Хаартыска: minobrnauki.sakha.gov.ru
Көрсүһүүгэ Арассыыйатааҕы Го көрүҥүн бэрэсидьиэнэ Максим Аркадьевич Волков, вице-бэрэсидьиэн Иннокентий Вячеславович Дмитриев, Го өрөспүүбүлүкэтээҕи федерациятын вице-бэрэсидьиэнэ, Саха сирин сүүмэрдэммит хамаандатын сүрүн тириэньэрэ Корнев Дмитрий Анатольевич, Үөрэх уонна билим министиэристибэтин сүрүн исписэлииһэ Василиса Николаевна Трофимова, “Юные якутяне” ресурснай киин мэтэдииһэ Юрий Васильевич Романов кытыннылар.
Үөрэх уонна билим миниистирэ Нюргуна Афанасьевна Соколова “Азия оҕолоро” норуоттар икки ардыларынааҕы VIII оонньуулар аһыллыбыттарынан эдэр спортсменнары, ыалдьыттары эҕэрдэлээтэ, турнирга ситиһиилээхтик кытталларыгар баҕарда.
Миниистир баҕа санаата уонна өйдөбүнньүк бэлэҕэ сүүмэрдэммит хамаанда оҕолоро саҥа кыайыылары ситиһэллэригэр өйүүр, көҕүлүүр күүс буолар.
Көрсүһүүгэ кыттааччылар Го өй оонньуутун өрөспүүбүлүкэҕэ сайыннарыы тиэмэтигэр кэпсэттилэр. Саха сиригэр Го күннэтэ сэҥээриллэр, тэтимнээхтик сайдар, онон успуорт бу көрүҥүн сөбүлээччилэри үөрдэр. Ол курдук, былырыын атырдьах ыйыгар Ил Дархан кубога ыытыллыбыта, манна барыта 110 спортсмен кыттыбыта.
Го оонньууну үөрэх тэрилтэлэригэр тарҕатыыга улахан болҕомто ууруллар. Көрсүһүүгэ Дьокуускай куорат В.И.Малышкин аатынан 23-с нүөмэрдээх оскуолатын дириэктэрэ Георгий Афанасьевич Афонскай кытынна, кини оскуолатыгар Го оонньууга дьарыктар сылтан ордук кэм устата ыытыллыбыттарын, оҕолор сэҥээрэллэрин кэпсээтэ. Ону тэҥэ, Го оонньууга Дьокуускай куораттааҕы Тиэхиньиичэскэй айымньы киинигэр эмиэ бэлэмнииллэр. Бу туһунан тустаах киин дириэктэрэ Иванова Саргылана Никитична кэпсээтэ. Өрөспүүбүлүкэ сүүмэрдэммит хамаандатыгар бу киин иитиллээччилэрэ киирэллэр. Го оонньууга үөрэтиигэ бэйэтин уопутун Чурапчытааҕы С.А.Новгородов аатынан оскуола тириэньэр-преподавателэ Захарова Надежда Гаврильевна үллэһиннэ. Эдэр спортсменнар — Степанов Артём, Демидов Андрей, Седалищева Нарыйа уонна Фомина Анастасия Го оонньууга араас күрэхтэһиигэ кыттыыларыттан кэпсээтилэр.
Көрсүһүү кыттыылаахтара ыччат ортотугар успуорт бу көрүҥүн киэҥник тарҕатарга уонна үөрэх тэрилтэлэригэр ордук тоҕоостоох буоларын туһугар тугу гыныаха сөбүн туһунан бэйэлэрин санааларын эттилэр. Го оонньуу өйү, толкуйдуур уонна ырытар дьоҕуру сайыннарарын бэлиэтээтилэр.
“Азия оҕолоро” норуоттар икки ардыларынааҕы VIII спортивнай оонньууларга Го интеллектуальнай көрүҥҥэ күрэхтэһиилэр бэс ыйын 28 күнүттэн от ыйын 3 күнүгэр диэри Ф.И.Авдеева аатынан Оҕо айымньытын дыбарыаһыгар буолуохтара. Бу туһунан Үөрэх уонна билим министиэристибэтин пресс-сулууспата суруйар.
Дьокуускайга «Абырал» санаторий баазатыгар байыаннай сулууспаҕа хантараагынан сулууспалыан баҕалаахтары Биир кэлим сүүмэрдиир пууҥҥа күүтэллэр. Хантараагынан…
"Азия оҕолоро" оонньууларын боксаҕа күрэхтэһиитигэр бүгүн Саха сирин туһатыгар икки боруонса мэтээл кэллэ. Кыргыттарга Саяна…
"Триумф" успуорт уораҕайыгар кулгаахтарынан мөлтөхтүк истэр спортсменнар туһуннулар. Сүмэрдэммит хамаанда тустууктара кыһыл, үрүҥ көмүс уонна…
Ил Дархан Айсен Николаев “Россия 24” телеханаал быһа эпииригэр ойуур баһаардарын умулларыыга ыытыллар үлэлэр тустарынан…
Өрөспүүбүлүкэ Ил Дархана умайа турар ойуур баһаарын иэнэ быһа холуйан 350 тыһ га диэн “Россия24”…
Өлүөнэ өрүс күнүгэр "Водоканал" хампаанньа үлэһиттэрэ өрүс кытылын хомуйдулар. Маннык аахсыйаны кинилэр сыл аайы ыыталлар.…