Хаартыска: Андрей Сорокин, ЯСИА.
Арассыыйа норуотун учуутала Виктор Потапов быйыл 75 сааһын туолла. Чулуу учуутал үбүлүөйдээх сааһыгар сөп түбэһиннэрэн, өрөспүүбүлүкэ физикаҕа бастыҥ учууталларыгар анал истипиэндьийэни олохтоотулар.
Өрөспүүбүлүкэ оскуолаларыгар “физика” биридимиэтигэр үөрэтии хаачыстыбатын үрдэтэр, физика учууталларын үлэтин тупсарар, педагог идэтин киэҥник иһитиннэрэр-биллэрэр инниттэн СӨ Үөрэҕин уонна билимин министиэристибэтэ 2025 сылга физика учууталларыгар анал бириэмийэни олохтоото.
Күөн күрэс түмүгүнэн үс бастыҥ учууталлары быһааран, СӨ Үүнэр көлүөнэ пуондатыттан 75 тыһ. солк. кээмэйдээх биримийэлэри туттарыахтара.
Балаһыанньаҕа олоҕуран, күөн күрэскэ сүүмэрдээһин ирдэбилинэн үөрэнээччилэр үөрэххэ ситиһиилэрин үрдүк түмүгэ көрүллүөҕэ – үөрэхтэригэр ситиһии уонна хаачыстыба, сүрүн судаарыстыбаннай эксээмэҥҥэ (ОГЭ), биир кэлим эксээмэҥҥэ (ЕГЭ) ситиһиилэрэ, оҕолор физика биридимиэтигэр үөрэҕи таһынан үлэҕэ үрдүк түмүктэрэ – өрөспүүбүлүкэ, Бүтүн Арассыыйа, норуоттар икки ардыларынааҕы таһымнаах кыайыылаахтары бэлэмнээһин, учуутал ситимин быспакка идэтигэр сайдыыта, бастыҥ педагогическай быраактыканы көрдөрүү киириэхтэрэ.
Күөн күрэскэ 18-тан итэҕэһэ суох чаастаах, 5 сылтан аҕыйаҕа суох ыстаастаах учууталлар киирсэллэр диэн суруллар. Сиһилии манна ааҕыҥ.
Байыаннай дьайыы саҕаланыаҕыттан Саха сирин олохтоохторо ким-туох кыахтааҕынан көмөлөһө олороллор. Бу барыта үтүө санаалаах дьон…
Билигин маҕаһыынтан эрэ буолбакка, оннооҕор эмтиэкэттэн табаары уораллар эбит. Дьокуускай куоракка полицейскайдар эмтиэкэттэн табаары уорбут …
Аллайыаха улууһун кииниттэн, Чокуурдаахтан 141 килэмиэтир тэйиччи сытар кыракый Оленегорскай нэһилиэгин олохтоохторо байыаннай дьайыыга анаан…
Саха Өрөспүүбүлүкэтин судаарыстыбаннай былааһын толорор уорганнарын 2025 сыллааҕы үлэлэрин түмүгүн туһунан ОТЧУОТ Аан тыл…
Москва мээрэ Сергей Семенович Собянины кытта көрсүбүтүн туһунан Ил Дархан Айсен Николаев МАХ ханаалыгар суруйда.…
Усуйаана улууһун Усуйаана нэһилиэгэр ааспыт нэдиэлэ бүтүүтэ “Тоҥ балык” күрэх буолан ааста. Хоту дьон мааны…