Хаартыска: Надежда Эверстова тиксэриитэ.
Кэбээйи улууһун Чагда сэлиэнньэтигэр оскуола педагогическай үлэһиттэрэ, оскуола тиэхиньиичэскэй үлэһиттэрэ уонна уһуйаан үлэһиттэрэ диэн үс хамаандаҕа арахсан, үөрэх үлэһиттэрин спартакиадата буола турар. Түһүмэҕэ элбэх: тиэннис, бильярд, көрдөөх стартар, о.д.а.
“Спартакиада ааспыт нэдиэлэттэн саҕаламмыта, — диэн кэпсиир А.С. Борисов аатынан “Тускул” Култуураны сайыннарар киин уус-уран салайааччыта Надежда Эверстова. – Иллэрээ күн “Мин коллекционербын” диэн тэрээһин ыытыллыбыта, үөрэх үлэһиттэрэ көхтөөхтүк кытыннылар. Холобур, Ирина Ивановна Эверстова 900 устуука сэбиэскэй аккырыыкканы мунньа сылдьарын аҕалан сөхтөрдө, Елена Константиновна Эверстова 56 дьахтар былаатын, уһуйаан оробуочайа Александр Васильев 20 устуука алмаастаах мозаиканан оҥорбут хартыыналарын аҕалбыт”.
Спартакиада күрэхтэһиилэрэ салгыы бара тураллар. Ас-үөл, мал-сал атыытын дьаарбаҥката, биэстии нүөмэрдээх “Үтүө санаанан салайтаран” аһымал кэнсиэр буолуохтаах. Киирбит үбү Мастаах сэлиэнньэтигэр олорор, дьиэлэрин уокка былдьаппыт Афанасьевтар дьиэ кэргэттэригэр ыытыахтара. Афанасьевтар икки уоллара байыаннай дьайыыга сылдьаллар.
Итинник Чагда үөрэххэ салаатын үлэһиттэрэ саҥа үөрэх дьылын сэргэх тэрээһиннэринэн саҕалаатылар.
Кэбээйи улууһун суутун уурааҕынан оройуон биир нэһилиэгин олохтоохторо РФ Холуобунай кодексатын 166 ыстатыйатын 2 чааһын…
Бүгүн СӨ Киин быыбардыыр хамыыһыйатын бэрэссэдээтэлэ Евгений Федоров М.К. Аммосов аатынан ХИФУ үөрэтэр научнай киинин…
Билигин үгүс киһи чугас дьоммутугар Саҥа дьылга тугу бэлэхтиибит диэн толкуйдаах сылдьар буолуохтаах. Саҥа дьылга…
СӨ Үп министиэристибэтин кэлэктиибэ байыаннай дьайыы бэтэрээнин, «Саха сирэ – Дьоруойдар дойдулара» бырагыраама кыттыылааҕын, билигин…
"Саҕынньахтаах селедка" салааты Саҥа дьылга сөбүлээн оҥоробут. Ол эрээри, бу салааты атыннык эмиэ оҥоруохха сөп…
Ырыаһыт Виталий Очиров хатыыс хабаҕынан туһаныы туһунан видеота социальнай ситимнэринэн тарҕанна.