Бүгүҥҥүттэн СӨ үөрэҕин үлэһиттэрин Тохсунньутааҕы мунньаҕа саҕаланна. Тэрээһиҥҥэ бастакынан үөрэх уонна билим миниистирэ Ирина Любимова министиэристибэ ааспыт сыллааҕы отчуотун оҥордо.
“Ил Дархан ыйааҕын 41 сорудаҕыттан күн бүгүн 20 пуун туолла, 21 пуун оҥоһулла сылдьар. “Хоту” билим-үөрэх киининэн 8 бырайыак, уһуйааннарга оҕону доруобай аһынан хааччыйыы (2030 с. диэри), үөрэх былаана (ол иһигэр Саха сирин устуоруйата, СӨ норуоттарын култуурата), “Уһуйаан — оскуола – кэллиэс – үлэ биэрээччи” бырайыактар оҥоһулуннулар, олоххо киирдилэр”, — диэн отчуот киириитигэр иһитиннэрдэ. Маны тэҥэ, үөрэҕи сыаналааһыҥҥа, эриэйтиҥҥэ тохтоото. Намыһах көрдөрүүлэр төрүөттэрин быһаарда, соруктары ыйда.
СӨ Үөрэҕин уонна билимин миниистирин бастакы солбуйааччы Михаил Присяжнай: “Тохсунньуга түмүгү таһаарар кэм. Үөрэх систиэмэтин оробуочай мунньаҕа буолар. Икки күн устата бары улуустааҕы үөрэх управлениетын салайааччылара, уопсай, эбии, орто анал үөрэхтээһининэн дьарыктанар тэрилтэлэр бэрэстэбиитэллэрэ түмсэн сүбэлэһиэхтэрэ. Быйылгы тэрээһин учуутал, педагог, настаабынньык оруолларын кытта ситимнээх.
Былырыын министиэристибэҕэ үгүс үлэ ыытыллыбыта: материальнай-тиэхиньиическэй, быраап, байыаннай дьайыыга кыттыылаахтар дьиэ кэргэттэригэр көмө, о.д.а. Бу күннэргэ үөрэх систиэмэтигэр уһуйааччы (наставничество) оруолун туһунан ырытыһыахпыт”, — диэн эттэ.
Бүгүн Саха тыйаатырыгар Уһуйааччы сылын аһар үөрүүлээх тэрээһин буолуоҕа. Икки күн устата үөрэх үлэһиттэрэ салааларынан үөрэх хаачыстыбатыгар туһаайыллыбыт мунньахтарга кыттыахтара. Манна туһааннаах үлэһиттэри сэргэ уопсастыбаннас, төрөппүттэр эмиэ сыһыарыллаллар.
Арассыыйа ИДьМ "Дьокуускайдааҕы" 3 №-дээх полициятын отделыгар дьахтар тиийэн, балыыһаҕа эмтэнэ сытар кииринньэҥ аҕатын "Toyota…
Ахсынньы 15 күнүгэр Чэй күнэ бэлиэтэнэр. Онон, маннык тымныы, туманнаах күҥҥэ итии чэйдэ иһиэҕиҥ! Былыр,…
Уус Алдан улууһугар Дүпсүҥҥэ волонтердар үлэлэрэ тиһиктээхтик салҕанар. "Дүпсүн эһигинниин бииргэ" түмсүү настаабынньыга Пелагея Васильевна…
Оҕолору кытта куттал суох буоларын туһугар хайаан да кэпсэтиэххэ наада. Маннык тымныы күннэргэ ураты болҕомтолоох…
Ааспыт сууккаҕа өрөспүүбүлүкэҕэ 3 буруйу оҥоруу тахсыбыта бэлиэтэннэ, бу дьыалаларынан процессуальнай бэрэбиэркэлэри ыытыы уонна холуобунай…
Атамайга сынньалаҥ киинин дьиэтигэр "Долгууна" үҥкүү ансаамбыла (сал. Алла Филипповна Павлова) тэриллибитэ 10 сыллаах үбүлүөйдээх…