Бүгүҥҥүттэн СӨ үөрэҕин үлэһиттэрин Тохсунньутааҕы мунньаҕа саҕаланна. Тэрээһиҥҥэ бастакынан үөрэх уонна билим миниистирэ Ирина Любимова министиэристибэ ааспыт сыллааҕы отчуотун оҥордо.
“Ил Дархан ыйааҕын 41 сорудаҕыттан күн бүгүн 20 пуун туолла, 21 пуун оҥоһулла сылдьар. “Хоту” билим-үөрэх киининэн 8 бырайыак, уһуйааннарга оҕону доруобай аһынан хааччыйыы (2030 с. диэри), үөрэх былаана (ол иһигэр Саха сирин устуоруйата, СӨ норуоттарын култуурата), “Уһуйаан — оскуола – кэллиэс – үлэ биэрээччи” бырайыактар оҥоһулуннулар, олоххо киирдилэр”, — диэн отчуот киириитигэр иһитиннэрдэ. Маны тэҥэ, үөрэҕи сыаналааһыҥҥа, эриэйтиҥҥэ тохтоото. Намыһах көрдөрүүлэр төрүөттэрин быһаарда, соруктары ыйда.
СӨ Үөрэҕин уонна билимин миниистирин бастакы солбуйааччы Михаил Присяжнай: “Тохсунньуга түмүгү таһаарар кэм. Үөрэх систиэмэтин оробуочай мунньаҕа буолар. Икки күн устата бары улуустааҕы үөрэх управлениетын салайааччылара, уопсай, эбии, орто анал үөрэхтээһининэн дьарыктанар тэрилтэлэр бэрэстэбиитэллэрэ түмсэн сүбэлэһиэхтэрэ. Быйылгы тэрээһин учуутал, педагог, настаабынньык оруолларын кытта ситимнээх.
Былырыын министиэристибэҕэ үгүс үлэ ыытыллыбыта: материальнай-тиэхиньиическэй, быраап, байыаннай дьайыыга кыттыылаахтар дьиэ кэргэттэригэр көмө, о.д.а. Бу күннэргэ үөрэх систиэмэтигэр уһуйааччы (наставничество) оруолун туһунан ырытыһыахпыт”, — диэн эттэ.
Бүгүн Саха тыйаатырыгар Уһуйааччы сылын аһар үөрүүлээх тэрээһин буолуоҕа. Икки күн устата үөрэх үлэһиттэрэ салааларынан үөрэх хаачыстыбатыгар туһаайыллыбыт мунньахтарга кыттыахтара. Манна туһааннаах үлэһиттэри сэргэ уопсастыбаннас, төрөппүттэр эмиэ сыһыарыллаллар.
Ахсынньы 13-15 күннэригэр Москва куоракка «Твой Ход – 2025» Бүтүн Арассыыйатааҕы устудьуоннар пуорумнара ыытылларынан, «Сыл…
Дьокуускайга административнай дьиэҕэ тахсыбыт киһи өлүүлээх баһаар холуобунай дьыалатыгар бириигэбэри таһаардылар. Бу туһунан ахсынньы 16…
Бүгүн, ахсынньы 16 күнүгэр, Дьокуускайга Российскай Федерация бочуоттаах полярнигын Николай Находкин «Санников сиригэр эспэдииссийэ» диэн…
Өрөспүүбүлүкэ агробырамыысыланнай комплексын 2025 сыллааҕы үлэтин түмүктүүр мунньаҕар бастыҥ муниципальнай оройуоннар бэлиэтэннилэр. Бу туһунан СӨ…
Тымныыттан эчэйии үксэ арыгы иһииттэн тахсар диэн Өрөспүүбүлүкэтээҕи 2 №-дээх балыыһатын - Суһал мэдиссиинэ көмөтүн…
Тэрээһиннэргэ байыаннай дьайыы бэтэрээннэрэ уонна кыргыһыы хонуутугар охтубут дьон дьиэ кэргэттэрин чилиэннэрэ, барыта 28 тыһыынчаттан…