Хаартыска: yabmk.ru
Абитуриеннарга, кинилэр төрөппүттэригэр анаан быйыл орто анал үөрэххэ туттарсыыга уонна тус сыаллаах үөрэххэ аналлаах “Учись с гарантией трудоустройства: всё о целевом обучении” пресс-кэмпириэнсийэни ыытыахтара.
Үөрэх уонна билим министиэристибэтин, Нэһилиэнньэ дьарыктаах буолуутун судаарыстыбаннай кэмитиэтин бэрэстэбиитэллэрэ дойду инники күөҥҥэ сылдьар кэллиэстэригэр тус сыаллаах үөрэх, “Работа России” платформа нөҥүө үлэҕэ киирии туһунан кэпсиэхтэрэ.
Өрөспүүбүлүкэ идэҕэ үөрэтэр тэрилтэлэрин салайааччылара доруобуйа харыстабылын, үөрэх, тыа хаһаайыстыбатын, култуура уонна ускуустуба эйгэтигэр тус сыаллаах каадыры бэлэмнээһини иһитиннэриэхтэрэ.
Ону тэҥэ, пресс-конференция чэрчитинэн абитуриеннарга аналлаах ыйынньык сүрэхтэниитэ буолуоҕа. Манна Саха сирин кэллиэстэригэр, тиэхиньикумнарыгар аһыллар идэлэр, кубуота, тутар хамыыһыйалар туһунан иһитиннэрии барыта киирбит.
Тэрээһин И.И.Фадеев аатынан үп-экэниэмикэ кэллиэһин аактабай саалатыгар (Ойуунускай уул. 24-с нүөмэрдээх дьиэтэ) бэс ыйын 26 күнүгэр, сарсыарда 11:00 чаастан буолар.
Үөрэххэ туттарсааччылары, кинилэр төрөппүттэрин, тус сыаллаах үөрэх туһунан сэҥээрээччилэри барыларын ыҥыраллар.
"Айар" национальнай кинигэ кыһата сыл литературнай түмүктэрин ("Сыл бастыҥнара") билиһиннэрэр, эҕэрдэлиир долгутуулаах уонна үөрүүлээх тэрээһинэ…
Бэҕэһээ, олунньу 10 күнүгэр, Чурапчы улууһугар И. Е. Федосеев - Доосо аатынан Дириҥ орто агро-оскуолатыгар…
Боксаҕа Арассыыйа үтүөлээх маастара, Олимпийскай оонньуулар кыттыылааҕа, аан дойду чөмпүйэнээтин үрүҥ көмүс призера Василий Егоров…
Дьокуускай куораттааҕы үөрэх управлениета иһитиннэрбитинэн, олунньу 11 күнүнээҕи туругунан, 20 үөрэх тэрилтэтигэр ОРВИнан сибээстээн быстах…
Ханнык баҕарар балыгы буһарыах иннинэ маринадка туруордахха, олус минньигэс буолар. Оттон ону эбии пиибэлээх клярга…
Суруйааччы Константин Эверстов кылгас кэм иһигэр икки саҥа кинигэтэ таҕыста. Ол курдук, ааспыт сыл ахсынньытыгар…