“Үөрэхтээһин” национальнай барайыак иитинэн “Айар Уустар” креативнай индустрия кэллиэһэ саҥа тэрилинэн хааччылынна

“Үөрэхтээһин” национальнай бырайыак “Үөрэх сыыппараҕа эйгэтэ” федеральнай бырагыраама чэрчитинэн “Айар Уустар” креативнай индустрия кэллиэһэ күүстээх блоктаах (мощный вычислительный блок) үс интерактивнай тэрили ылла. Бу үөрэнэргэ, көрдөрөргө-билиһиннэрэргэ, тэйиччиттэн иһитиннэриини тиэрдэргэ саҥа кыахтары арыйар.

Тэрилгэ холбоно сылдьар аныгы бырагырааманан көмөтүнэн бэрт судургутук интерактивнай билиһиннэриини оҥоруохха, тэйиччиттэн дьарыгы эбэтэр аан дойду араас муннугар биир идэлээхтэри кытта кэмпириэнсийэ тэрийиэххэ сөп.

Интерактивнай комплексынан хас да киһи тэҥинэн экраҥҥа графическай көстүүнү салайар кыахтаах. Бу бииргэ үлэлииргэ бэрт табыгастаах. Устудьуоннар уонна преподавателлэр хартыыналары, билиһиннэриилэри көрүөхтэрин, уруһуйдуохтарын, тиэкис суруйуохтарын, куйаар ситимигэр холбонуохтарын оннооҕор панельтан быһаччы видео көрдөрөр кыахтаахтар.

Сыыппара технологияларын туһаныы классическай үөрэтии ньыматыгар саҥа кыахтары арыйар уонна преподавателлэр үөрэҕи ыыталларыгар саҥа сатабыллары туһаналлар. Бу туһунан “Айар Уустар” креативнай кэллиэс иһитиннэрэр.