Хаартыска: Мария Васильева, СИА.
Дьокуускайдааҕы кадеттар интэринээт-оскуолаларын саҥа үөрэнэр дьиэтин 2023 сыл бүтүөр диэри үлэҕэ киллэриэхтэрэ. Тутуу “Үөрэхтээһин” национальнай бырайыак “Аныгы оскуола” федеральнай бырайыагынан барар. Саҥа дьиэ билигин үлэлии турар кадеттар оскуолаларын түөлбэтигэр Мархаҕа тутуллар. Тутуу хаамыытын манна сыһыаннаах биэдэмэстибэлэр уонна бэдэрээтчит кыттыылаах Бырабыыталыстыба бэрэссэдээтэлэ Андрей Тарасенко ыыппыт мунньаҕар көрдүлэр.
“Оҕолор эргэ дьиэҕэ үөрэммиттэрэ ыраатта, чахчы аармыйа усулуобуйатыгар олороллор. Билигин федеральнай киин өйөбүлүнэн үөрэнэр куорпуһу бэйэтин уонна интэринээти саҥардабыт. Бу дьиэҕэ “Авангард” ыччаты байыаннай-патриотическай тыыҥҥа иитэр үөрэтэр-мэтэдиичэскэй киин киириэҕэ. Ол эбэтэр кадеттар байыаннай дьыала төрүт дьарыктарыгар үөрэниэхтэрэ”, — диэн Андрей Тарасенко бэлиэтиир.
Үс мэндиэмэннээх 6400 кв. м. иэннээх саҥа дьиэ икки блоктан турар – 200 миэстэлээх үөрэх куорпуһа уонна 125 миэстэлээх интэринээт. Дьиэни “ТСК+” тэрилтэ тутар. Күн бүгүн тутуу матырыйаалын таһаллар уонна эргэ тутуулары көтүрэллэр.
Айсен Николаев үөрэх хаачыстыбата тупсарын туһугар куоракка аныгы социальнай инфраструктураны тэрийэр ирдэнэрин эрдэ бэлиэтээн турар. “Бу инвестиция хапытаалынай тутууну үбүлээһин эрэ буолбатах, өрөспүүбүлүкэ киин куората сайдыытыгар кылааты киллэрии. Оскуола, уһуйаан, спортивнай комплекс, бибилэтиэкэ барыта. Куорат былааһа, куорат үөрэҕин бары систиэмэтин үлэһиттэрэ маны Дьокуускай кырачаан олохтоохторун үөрэҕин хаачыстыбатын сайыннарыыга уонна иитиигэ көҕүлээһин быһыытынан ылыныахтаахтар”, — диэн эрэгийиэн салайааччыта бэлиэтээбитэ.
Ил Дархан уонна Бырабыыталыстыба пресс-сулууспата.
Гражданскай оборуона дьыалаларыгар уонна нэһилиэнньэ олоҕор куттала суох буолуутун хааччыйыы миниистирин собуйааччы Яна Наумова киэһээҥҥи…
Күннээҕи олоҕу кытта тэҥҥэ хардыылыыр дьон түөкүттэр бааллар эбит. Аны оскуоланы бүтэрээри сылдьар оҕолорго үрдүк…
Ырыа күнүгэр аналлаах кэнсиэртэр оптуорунньукка, ыам ыйын 21 күнүгэр, Саха сирин бары куораттарыгар уонна сэлиэнньэлэригэр…
СӨ Ил Дархана Айсен Николаев Нам улууһугар оробуочай сырыытын чэрчитинэн, Хатырык олохтоохторун кытары көрсүһүү тэрийэн…
Өлүөхүмэ, Нам улуустарыгар халаан уутун содулун көрөн, киһи долгуйар, хараастар. Онон дьон-сэргэ уталыппакка эмсэҕэлээбиттэргэ бэйэтин…
Бу туһунан Саха сирин бырабыыталыстыбатын Бэрэссэдээтэлин солбуйааччы Анатолий Семенов иһитиннэрдэ. Нам улууһугар халаан уутуттан үөрэх…