Хаартыска: minobrnauki.sakha.gov.ru
“Үөрэхтээһин” национальнай бырайыак иитинэн Дьокуускай куоракка тутулла турар үөрэх эбийиэктэрин хаамыытын билсэр соруктаах көһө сылдьар мунньаҕы ыыттылар. СӨ Үөрэҕин уонна билимин министиэристибэтиттэн тэрээһиҥҥэ миниистири солбуйааччы Владимир Тихонов кытынна.
Бастакынан 153-с кыбартаалга ДСК түөлбэтигэр тутуллар 990 миэстэлээх оскуолаҕа сырыттылар. Эбийиэги 2024 сылга үлэҕэ киллэрэр былааннаахтар.
Үөрэххэ ураты ирдэбиллээх оҕолорго кыһамньы — судаарыстыба ыытар үлэтин биир хайысхата. Ол курдук, Дьокуускай куоракка доруобуйаларынан хааччахтаах оҕолорго аналлаах үөрэх адаптивнай комплекса (550 миэстэлээх оскуола, 200 миэстэлээх уһуйаан) тутулла турар. Оҕо социальнай адаптацияны ааһарыгар анаан суукканы эргиччи үлэлиир 350 миэстэлээх буолуоҕа. Эбийиэк эһиил үлэҕэ киириэхтээх.
Маны тэҥэ, Пирогов уулуссаҕа инбэлиит оҕолору үөрэтэр, сайыннарар 180 миэстэлээх 4-с нүөмэрдээх уопсай үөрэхтээһин анал (коррекционнай) оскуолатын тутуутун билистилэр. Оскуола быйыл үлэҕэ киириэхтээх.
Салгыы Жатай бөһүөлэгэр оҥоһулла турар 360 миэстэлээх оскуолаҕа сырыттылар. Тустаах оскуола үлэҕэ киирдэҕинэ, Жатай 1-кы нүөмэрдээх оскуолата биир симиэнэҕэ көһөр кыахтаныаҕа, ону тэҥэ, миэстэ баар түгэнигэр Сатал түөлбэ оҕолорун ылыахтара. Дьокуускай куорат оскуолаларыгар миэстэ тиийбэтэ былаас уонна оскуола саастаах оҕолордоох дьон кыһалҕатынан буолара биллэр. Эбийиэги быйыл үлэҕэ киллэрэр соруктаахтар.
Итиэннэ бүтэһигинэн куорат Марха түөлбэтигэр тутуллар Дьокуускайдааҕы кадеттар интэринээт-оскуолаларыгар сырыттылар. Тустаах оскуола эһиил туттарыаллыахтаах.
“Бары эбийиэктэргэ үлэ кыраапык быһыытынан тэтимнээхтик барар. Генеральнай бэдэрээтчиттэр эбэһээтэлистибэлэрин толороллор. Эбийиэктэр бары болдьоҕор туттарыллыахтара диэн эрэнэбит. Оҕолор уонна учууталлар “Үөрэхтээһин” национальнай бырайыак көмөтүнэн аныгы, сырдык уонна сылаас оскуолаҕа үөрэнэр, үлэлиир кыахтаныахтара. Бэлиэтээн эттэххэ, бары эбийиэктэргэ федеральнай хааһынаттан үбү туруорсууга Ил Дархан Айсен Николаев быһаччы кыттан ситиһилиннэ”, — диэн миниистири солбуйааччы Владимир Тихонов кэпсиир. Бу туһунан СӨ Үөрэҕин уонна билимин министиэристибэтин пресс-сулууспата суруйар. Сиһилии манна ааҕыҥ.
2025 сылга биисинэһи өйүүр сыаллаах «Көдьүүстээх уонна күрэстэһиилээх экэниэмикэ» саҥа национальнай бырайыак саҕаламмыта. Национальнай бырайыак…
Арассыыйа Бэрэсидьиэнэ Владимир Путин көҕүлээһининэн ыытыллыбыт «Доруобуйа харыстабыла» национальнай бырайыагы олоххо киллэрии кэмигэр Саха сирин…
Ааспыт нэдиэлэҕэ байыастарга анаан үс тиэхиньикэ барда. Бу туһунан "Бары бииргэ Кыайыыга!" хамыыһыйа сүрүннүүр киинин…
Өлөөн улууһугар өрүһү туоруур суолу Өлөөн уонна Харыйалаах сэлиэнньэлэрин икки ардыгар астылар. Муус халыҥа 3…
Ил Дархан көҕүлээһининэн Арктика улуустарын үөрэҕин тэрилтэлэригэр эдэр исписэлиистэри сыһыарыыга туһаайыллар “Арктика учуутала” бырайыак ситиһиилээхтик…
Өрөспүүбүлүкэтээҕи доруобуйалара хааччахтаах оҕолорго аналлаах реабилитациялыыр кииҥҥэ байыаннай дьайыы кыттыылаахтарын дьиэ кэргэттэрин 642 чилиэнэ, ол…