Үөрэхтэрин бүтэрбиттэр үс сыл тэрилтэҕэ үлэлээбиттэрин эрэ кэнниттэн дьупулуомнарын биэрэргэ этии киллэрдилэр

Судаарыстыбаннай Дуума үлэҕэ уонна социальнай бэлиитикэҕэ кэмитиэтин бэрэссэдээтэлэ Ярослав Нилов тус сыаллаах үөрэххэ киирбиттэргэ дьупулуомнарын үс сыл тэрилтэҕэ үлэлээбиттэрин эрэ кэннэ биэриэххэ диэн этэр.

Туһааннаах суругу дьокутаат РФ Билимин уонна үрдүк үөрэҕин миниистирэ Валерий Фальковка итиэннэ РФ Үөрэҕириитин миниистирэ Сергей Кравцовка суруйбут. Бу көҕүлээһин судаарыстыба ордук харчытын кэмчилиэҕэ диэн бэлиэтиир. Тус сыаллаах миэстэҕэ үрдүк үөрэҕи бүтэрээччилэр сорохторо түһэрсиллибит сөбүлэҥи тутуспаттар, ол түмүгэр миэстэтигэр исписэлиистэр тиийбэттэр диэн ыйар.

Үөрэҕи бүтэрээччилэр үүт-хайаҕас булан сөбүлэҥ түһэрсибит тэрилтэлэригэр үлэлии тиийбэттэр. Оттон тэрилтэ суһаллык атын үлэһити көрдүүргэ (ол иһигэр кэлии дьонунан) эбэтэр кыһалҕаттан ыҥырыллыбыт үлэһит идэтини таһымын үрдэтэрэ күһэллэр диэн суруйар.