Хаартыска: www.sakha.gov.ru
Нам улууһуттан Сардаана Сутакова уонна Таатта улууһуттан Анастасия Данилова юниоркалар ортолоругар «Пилота суох көтөр аппарааттар күрэстэрин тэхиниичэскэй симулятора» диэн көрүҥҥэ хамаанданан күрэхтэһиигэ боруонса мэтээли ылаттаатылар.
«Биһиги кэрэ күрэсчит кыргыттарбытын өрөспүүбүлүкэ дрон күрэҕин устуоруйатыгар саҥа аартыгы арыйар ситиһиигитинэн эҕэрдэлиибин! Ситиспиккитигэр тохтообокко, саҥа чыпчаалларга уонна кыайыыларга эрэллээхтик дабайан иһэргитигэр баҕарабын!», – диэн эдэр күрэсчитэри СӨ Бырабыыталыстыбатын бэрэссэдээтэлин солбуйааччы Анатолий Семенов эҕэрдэлээтэ.
2025 сыл алтынньы 8-9 күннэригэр Сириус федеральнай территориятыгар дрон күрэҕэр Арассыыйаҕаа Бастыыр иһин күрэҕэ буолан ааста. Күрэхтэһии дойду сүрүн успуорт аренатыгар – «Фишт» стадиоҥҥа ыытылынна. Турнирга пилоттааһын үрдүк таһымын көрдөрбүт уонна хас да түһүмэхтээх сүүмэрдэһини ааспыт 2025 сыллааҕы эрэгийиэннэр икки ардыларынааҕы күрэхтэһиилэр кыайыылаахтара уонна призердара кытыннылар. Күрэхтэһиини РФ Успуорка министиэристибэтин өйөбүлүнэн, Арассыыйаҕа дрон күрэҕин Федерацията тэрийэн ыытта.
Арассыыйаҕа дрон күрэҕин Федерацията 2022 сыллаахха тэриллибитэ, оттон дрон күрэҕэ бэйэтэ официальнай успуорт көрүҥүнэн 2023 сыл бэс ыйыгар билиниллибитэ.
Ахсынньы 7 күнүгэр Оһуокай куоракка олорор Бүлүү улууһун олохтоохторугар ананна. Куоракка олорор Бүлүү улууһуттан төрүттээх…
Дьүөгэм, Үп министерствотыгар таһаарыылаахтык үлэлээбит Анна Романовна Винокурова бочуоттаах сынньалаҥҥа олорор. Бу күннэргэ Дубайга олорор…
Аныгы сайдыылаах үйэбитигэр өрөспүүбүлүкэбит хайа да муннугар аны хаалыылаах, түҥкэтэх сир диэн суох. Бээ, бу…
Уһун, тымныы кыһыннаах, тыйыс айылҕалаах хоту дойдуга олорор буоланнар, өбүгэлэрбит барахсаттар күөх сайын уунар уйгутуттан…
Амма улууһун Соморсун нэһилиэгэр үлэһит тырахтарыыс уолаттар, эр дьон баар буоланнар, дэриэбинэ олоҕо күөстүү оргуйар.…
"Амма" эрэгийиэннээҕи айан суолун 93-94 км учаастагар билигин да күөлтэн уу киирэ турар. "СУ-77" тэрилтэ…