Үөрэнээччилэр быйылгы спартакиадалара түмүктэннэ

Түөрт күн устата Дьокуускайга ыытыллыбыт үөрэнээччилэр өрөспүүбүлүкэтээҕи “Спортивные якутяне” спартакиадалара түмүктэннэ. Түмүктүүр түһүмэххэ Саха сирин араас муннугуттан 1000-тан тахса үөрэнээччи кэлэн ким бастыҥын быһаарыста.

Бүгүн “Туймаада” стадиоҥҥа спартакиаданы түмүктүүр үөрүүлээх тэрээһин буолан ааста. Түөрт бөлөҕүнэн кыайыылааҕынан Дьокуускай, Чурапчы, Кэбээйи, Өлөөн хамаандалара таҕыстылар.

“Бары үөрэх кыһаларын барытын кэриэтэ хабан ыытыллыбыт үөрэнээччилэр спартакиадалара түмүктэннэ. Манна 76 тыһ. тахса оҕо кытынна. Бу саамай маассабай тэрээһин буолар. Үс сыллааҕыта Ил Дархан Айсен Николаев быһаарыытынан сөргүтүллүбүтэ. Бу сөптөөх быһаарыныы буолла, оҕолор маастарыстыбалара сыллата үрдээн иһэр.

Түөрт күн устата Дьокуускай куорат үгүс успуорка эбийиэктэригэр успуорт, эйэ, доҕордоһуу ураты эйгэтэ үөскээтэ. Биллэн турар, улахан махталбын олохторун оҕо спордун сайдыытыгар аныыр тириэньэрдэргэ тиэрдэбин. Эһиги өрөспүүбүлүкэҕэ кылааккытын учуоттаан, Ил Дархан Айсен Сергеевич Николаев былырыыҥҥыттан оскуола саастаах чөмпүйүөн үөрэнээччилэри бэлэмнээбит бастыҥ тириэньэрдэргэ  бириэмийэ олохтообута.

Күндү оҕолор, алтынньыттан үөрэнээччилэр спартакиадалара саҕаланыаҕа. Көрсүөххэ диэри, эдэр спортсменнар!” – диэн Бырабыыталыстыба бэрэссэдээтэлин солбуйааччы Сергей Местников эттэ. Итиэннэ бастыҥ тириэньэрдэргэ 100 тыһ. солк. суумалаах сэртипикээттэри туттарда.

Бастыҥ тириэньэринэн ааттаннылар:

1. Бадминтон – Батьянова Надежда Петровна (Дьааҥы улууһа)
2. Баскетбол (уолаттарга) — Григоращук Степан Андреевич (Нерюнгри улууһа)
3. Баскетбол (кыргыттарга) — Проскурин Руслан Иванович (Нерюнгри улууһа)
4. Дзюдо — Поварич Дмитрий Николаевич (Дьокуускай)
5. Дроннар күрэхтэһиилэрэ – Бехтюев Алексей Алексеевич (Дьокуускай)
6. Хайыһар — Тайшин Пётр Семёнович (Алдан улууһа),
7. Мини-футбол — Марченко Олег Михайлович (Дьокуускай куорат)
8. Многоборье, ГТО — Колосова Светлана Викторовна (Мэҥэ Хаҥалас улууһа)
9. Остуол оонньуулара — Белолюбская Надежда Николаевна (Дьокуускай куорат)
10. Остуол тенниһэ — Савельева Аксана Владимировна (Нерюнгри улууһа)
11. Хотугу многоборье — Григорьева Раиса Васильевна (Үөһээ Бүлүү улууһа),
12. Спортивнай ориентирование — Васильева Оксана Владимировна (Дьокуускай куорат),
13. Спортивные игры шск — Крылова Татьяна Леонидовна (Дьокуускай куорат)
14. Фитнес-аэробика — Ларионова Туйаара Лаврентьевна (Уус Алдан улууһа)
15. Хапсаҕай — Иванов Михаил Васильевич (Кэбээйи улууһа)
16. Чэпчэки атлетика (ОВЗ оҕолор ортолоругар) – Оленов Василий Андреевич (Дьокуускай куорат)
17. Бокс — Шестаков Василий Юрьевич (Мэҥэ Хаҥалас улууһа)
18. Волейбол (уолаттарга) — Сидорова Лия Фёдоровна (Дьокуускай куорат)
19. Волейбол (кыргыттарга) — Матвеев Егор Егорович (Дьокуускай куорат)
20. Көҥүл тустуу — Яковлев Николай Григорьевич (Сунтаар улууһа)
21. Чэпчэки атлетика — Нечаев Пётр Александрович (Дьокуускай куорат)
22. Мас тардыһыыта — Трофимов Владимир Владимирович (Хаҥалас улууһа)
23. Оҕунан ытыы — Сидорова Нюргустана Гаврильевна (Горнай улууһа)
24. Саахымат — Гаврильев Вячеслав Артёмович (Дьокуускай куорат)
25. Дуобат — Прокопьев Василий Иванович (Нам улууһа)
26. Гректии-римнии тустуу — Павлов Кирилл Иннокентьевич (Амма улууһа)
27. Буулдьанан ытыы – Николаева Лена Гаврильевна (Дьокуускай)
28. Самбо – Ерасейнов Толибшо Мирзогулович (Алдан улууһа)
29. Ыстаҥа – Оегостуров Максим Николаевич (Горнай улууһа)
30. Гиирэ спорда – Павлов Эдуард Григорьевич (Бүлүү улууһа)
31. Кикбоксинг – Иванов Алексан Михайлович (Бүлүү улууһа).

Сыл устата барбыт, 76 тыһ. тахса үөрэнээччи кыттыбыт спартакиадатын кыайыылаахтарын бүгүн ааттаатылар. Успуорт 29 көрүҥэр спартакиада быйылгы кыайыылаахтарынан буоллулар:

1 бөлөххө:

1. Дьокуускай куорат
2. Мэҥэ Хаҥалас улууһа
3. Хаҥалас улууһа

2 бөлөххө:

1. Чурапчы улууһа
2. Үөһээ Бүлүү улууһа
3. Горнай улууһа.

3 бөлөххө:

1. Кэбээйи улууһа
2. Томпо улууһа
3. Өймөкөөн улууһа

4 бөлөххө:

1. Өлөөн улууһа
2. Анаабыр улууһа
3. Эдьигээн улууһа.

Бастакы миэстэлээх хамаандалар дьупулуомунан, кубогынан уонна 250 тыһ. солк. суумалаах сэртипикээтинэн наҕараадаланнылар, иккис миэстэлээхтэр – 150 тыһ. солк., үһүс миэстэлээхтэр – 100 тыһ. солк.