Үөрэнээччилэр үтүө дьыалаҕа кыттыһаллар

Кэбээйи орто оскуолатын  7 «б» кылааһын үөрэнээччилэрэ (салайааччы Мария Ивановна Зыкова) балаҕан ыйыгар өрөспүүбүлүкэтээҕи волонтерскай хамсааһыҥҥа кыттан,  «Волонтер-оҕолор» түмсүүгэ киирбиттэрэ.

Ол да инниттэн бу кылаас оҕолоро «Үтүө түгэн» волонтерскай уопсастыбаннай түмсүү аахсыйатыгар кыттыбыттара. Оттон бу күннэргэ оҕолор сайын устата Кэбээйи сириттэн-уотуттан хомуйан хатарбыт отторун түмэн, анал байыаннай дьайыыга ыытардыы бэлэмнээтилэр. Маны кытта үөрэнээччилэр байыастарга анаан өйүүр, махтанар ис хоһоонноох суруктарын ыытыахтара.

Оскуола оҕолоро үөрэхтэрин, тэрээһиннэрин быыстарыгар бириэмэ булан үтүө дьыаланан дьарыктаналларын, бириэмэлэрин аттаран уонна ону таба туһаналларын кылаастарын салайааччыта Мария Ивановна уонна төрөппүттэр сөптөөхтүк былаанныылларын сөҕөбүт эрэ.

7 «б» кылаастар баһыылкаларын «Үтүө түгэн” түмсүүгэ туттараннар, туһааннаах сиргэ тиэрдэллэригэр баҕара хааллылар.

Татьяна Максимова-Лазарева.