Хаартыска: СИА
Дьокуускайга 39 №-дээх Н.Шарин аатынан оскуола үөрэнээччилэригэр анал каарталары түҥэттилэр. Бу каартанан оҕолор оскуола остолобуойугар аһыылларын уонна оптуобуска айанныылларын төлүүллэр. Оттон төрөппүттэр оҕолорун ороскуоттарын хонтуруоллуур, тугу аһаабыттарын билэр-көрөр кыахтаналлар.
Киин куорат дьаһалтатын үөрэххэ управлениета иһитиннэрбитинэн, бу пилотнай бырайыагы өрөспүүбүлүкэ саамай улахан оскуолатыттан саҕалаабыттар. Бырайыагы управлениены сэргэ «Статус» ХЭТ уонна «Алмаасэргиэнбаан» үлэлэтэн саҕалаатылар.
Билигин оҕолор остолобуойга итии аһы ылалларыгар уонна оптуобуска айаннарын төлүүллэригэр туһаналлар. Аныгыс түһүмэх — үөрэнээччилэр оскуолаҕа киирэллэригэр турникет нөҥүө каарталарынан киириэхтээхтэр.
Каартанан туһаныы информацията тута систиэмэҕэ киирэн, Personeka.ru саайтка тус кэбиниэккэ киирэр. Онон төрөппүттэр оҕо хаска, тугу сиэбитин, төһөнү төлөөбүтүн, меню састаабын көрөр кыахтаахтар.
Интэриэһинэйэ диэн, бу каартанан оҕо атын маҕаһыыннартан тугу да атыылаһар кыаҕа суох. Онон оҕо оскуолаҕа итии аһы аһаабакка, харчытын кэмпиэккэ, гаастаах утахха бараан кэбиһиэ диэн төрөппүт долгуйбат.
От ыйын 9 күнүгэр киэһэ хойут Саха сирин быыһааччылара тыаҕa муммут 85 саастаах киһини көрдүү…
Хаҥалас улууһун борокуратууратын бэрэбиэркэтин түмүгэр, улуус дьаһалтата бэдэрээччиккэ успуорт былаһааккатын тутууга аспаал-бетон бүрүөһүнүн тэлгээһин уонна…
От ыйын 9 күнүгэр Дьокуускай куорат сиригэр-уотугар 9 суол саахала бэлиэтэннэ, онтон бииригэр биир киһи…
Саха сиригэр сир аһын маассабайдык хомуйуу болдьоҕо бигэргэннэ. Ол курдук, от ыйын 10 күнүттэн хас…
Сэрэдэҕэ, от ыйын 9 күнүгэр, Саха сиригэр 5 буруйу оҥоруу тахсыбыта бэлиэтэммит. Бу туһунан СӨ…
«Медведь» позывнойдаах Алексей Петров РФ Бэрэсидьиэнэ Владимир Путин 2025 сыл от ыйын 6 күнүнээҕи Ыйааҕынан…