Үөрэнээччилэргэ балаҕан ыйыгар төлөбүр оҥоһуллар диэн сурах оруна суох

Бу күннэргэ Арассыыйа Бэрэсидьиэнэ  6-17 саастаах үөрэнээччилэрдээх төрөппүттэргэ  15 тыһыынча суумалаах биир кэмнээх төлөбүрү оҥорорго сорудахтаабытын туһунан сурах социальнай ситимнэргэ тарҕанна.

Саха  Өрөспүүбүлэкэтин Үөрэхтээһиҥҥэ уонна наукаҕа министиэристибэтэ СИА-ҕа иһитиннэрбитинэн, бу иһитиннэрии оруна суох.

«Итинник төрөппүттэргэ  төлөбүр туһунан иһитиннэрии биһиэхэ киирэ илик. Бу эмиэ фейк”, — диэн биэдэмэстибэ пресс-сулууспатыгыгар эттилэр.

Санатан эттэххэ, урут  үөрэх дьыла саҕаланарыгар  үөрэнээччилэрдээх төрөппүттэргэ  сыллааҕы харчынан төлөбүрү олохтуур туһугар  сокуон барыла РФ Судаарыстыбаннай дууматыгар киллэриллибитэ. Ол эрээри, сокуонунан күүһүгэр киирэ илик.