Хаартыск: Н.Пахомова (ЯСИА)
Алтынньы 25 күнүгэр Дьокуускай куорат 2 нүөмэрдээх национальнай политехническай оскуолатыгар киин куорат 20 оскуолатын, Амма уонна Хаҥалас улуустарын орто уонна улахан кылаастарын үөрэнээччилэригэр буулдьанан ытыыга өрөспүүбүлүкэтээҕи турнир буолла.
«Турнир биһиги оскуолабытын бүтэрбит, байыаннай дьайыыга ытык иэһин толоро сылдьан олоҕун толук уурбут Андрей Исаков («Кречет») кэриэһигэр ананар. Биһиги быйыл турниры иккиһин ыытабыт уонна кыттааччылар географияларын кэҥэттибит. Онон өрөспүүбүлүкэ улуустарын оҕолоро эмиэ ытыыга бэйэлэрин холонуохтарын сөп. Кыттааччылар ортолоругар уопуттаах ытааччылар да, саҥа саҕалааччылар да бааллар. Онон эриһиилээх уонна умсугутуулаах киирсиилэр буолаллара күүтүллэр», -– диэн турнир кылаабынай судьуйата, 2 нүөмэрдээх национальнай политехническай оскуола үөрэҕи таһынан дьарык педагога Геннадий Капчук кэпсээтэ.
Хас биирдии хамаандаҕа икки уол уонна икки кыыс киирэн, 3 боруобалыыр уонна 30 сочуот ытыытын оҥороллор. Санатан эттэххэ, бастакы биэс сочуот ытыы ГТО нуорматын курдук ааҕыллар.
Элбэх очкуону ылбыт хамаанда кыайыылаах тахсыаҕа, ону таһынан сааһынан икки категорияҕа уолаттарга уонна кыргыттарга биирдиилээн күрэхтэһии буолуоҕа.
СӨ Ил Дарханын уонна бырабыыталыстыбатын пресс-сулууспата
“Олох сайдыыта икки өрүттээх дииллэрэ” мээнэҕэ буолбатах курдук. Төһөнөн сайдабыт, олохпут уу сүүрүгүнүү устан иһэр…
Хайа да сиргэ бааллар ээ -- кистэнэ сылдьар иэйиилээх, саһа сытар талааннаах дьон. Кинилэр тиийэн…
Нерюнгри улууһун 38 саастаах эр киһитэ куйаар ситимигэр биир кыыһы кытары билсибит. Кыыс инвестициянан дьарыктанарын…
Кытай мэдиссиинэтин Шеньян университетын учуонайдара быһаарбыттарынан, дьаҥ-дьаһах кэмигэр битэмииннээх оттортон оҥоһуллубут чэй көмөлөһөр. Ол курдук…
Олоҥхо дойдута Сунтаарбыт биир кэрэ айылҕалаах, уйгу-быйаҥ сирдээх, былыр-былыргыттан саха дьоно ууһаан-тэнийэн үөскээбит, олох уустук,…
Өбүгэлэрбит тулалыыр айылҕа уратытын, халлаан эттиктэрин, кыыллар быһыыларын таба көрөн, күнү-дьылы билгэлиир этилэр. Кыһын туһунан…