Үөрэнээччилэргэ табыгастаах үөрэх эйгэтэ тэриллэр

41 тыһыынчаттан тахса үөрэнээччигэ табыгастаах үөрэх эйгэтэ тэрилиннэ.

Саха Сиригэр РФ Бэрэсидьиэнэ Владимир Путин сорудаҕынан олоххо киирэр «Модернизация школьных систем образования» федеральнай бырагыраама дьаһаллара утумнаахтык олоххо киирэллэр. 2022-2024 сс. 102 үөрэх эбийиэгин хапытаалынай өрөмүөнүгэр 6,7 млрд солк. кэриҥэ ыытыллыбыта. Тыа сирин 71 уонна куорат 31 эбийиэгэ саҥардыллыбыта, ол иһигэр арктическай зонаҕа 24 эбийиэк. Оскуолалары кэлимник саҥардан оҥоруу көмөтүнэн 41 426 үөрэнээччи аныгы, табыгастаах, куттала суох үөрэх эйгэтинэн хабылынна.

2025 сылга өрөспүүбүлүкэ үөрэх эйгэтин инфраструктуратын саҥардыыга үлэтин салҕанар. Онтон 2026 сылтан хапытаалынай өрөмүөн саҥа түһүмэҕэ саҕаланыахтаах.

Сиһилии: https://www.sakha.gov.ru/news/16090

СӨ Ил Дарханын уонна Бырабыыталыстыбатын пресс-сулууспата