Үөрэнээччилэргэ төрүччүнү үөрэтии туһунан

Нэһилиэк историятын үөрэтии дьиэ кэргэн историятын үөрэтииттэн саҕаланар.

Төрөөбүт тыл, сурук-бичик күнүн көрсө Курбуһах оскуолатын үрдүкү кылаастарын үөрэнээччилэригэр төрүччүнү оҥорууга дьарык ыытылынна. Манна оҕолор дьиэ кэргэн төрүччүтүн оҥорууну хайдах саҕалыырга сүбэлэри ыллылар, кинигэлэргэ киирбит нэһилиэкпит төрүччүлэрин кытта билистилэр. Национальнай архыып, Национальнай бибилэтиэкэ саайтарыгар бэйэҥ төрүччүгэр сөптөөх докумуону хайдах көрдүүргэ үөрэннилэр, Дмитрий Киркинскай “Древо жизни” төрүччүнү оҥоруу электроннай бырагырааматын ис хоһоонун, тутулун көрдүлэр, билистилэр. Аныгыскы дьарыкка оҕолор “Древо жизни” бырагыраамаҕа хайдах үлэлииргэ үөрэниэхтэрэ, дьиэ-кэргэннэрин төрүччүлэрин бырагыраамаҕа киллэрэргэ холонуохтара.

Марфа Пестрякова,

Курбуһах, Уус Алдан.

Хаартысканы Марфа Пестрякова тиксэрдэ.