В.Владимирова
1989 с.Мэҥэ Хаҥалас Томтор орто оскуолатыгар Билии күнүгэр уон алта кып-кыра эмдэй-сэмдэй уолаттар, кыргыттар сибэкки тутуурдаах оскуола боруогун атыллаан, билии ылаары үөрэн -көтөн кэлэн тураллара бу харахпар көстөн ааһаллар.
Оҕолорум «А» буукубаттан саҕалаан ааҕар, суруйар, суоттуур буолбуттара. Хара маҥнайгыттан билиигэ тардыһалларын көрдөрөн оскуола, кылаас олоҕор актыыбынайдык кыттан барбыттара. Ол курдук, айылҕаҕа сылдьан, нэһилиэккэ, түмэллэринэн экскурсиялаан, велогонкаҕа, аахсыйаларга кыттан уо. д.а.
Бу тэрээһиннэрбитин хаартыскаҕа түһэрэн, күрэхтэһиилэрбитигэр оччолорго кумааҕынан, хатыҥ маһыттан мэтээллэри оҥорон, ону кэтэн оҕолор сүрдээҕин диэн астыналлара.
Бу алын кылааска үөрэппит бастакы үөрэнээччилэрим оскуоланы бүтэрбиттэрэ номнуо сүүрбэ биэс сылларын туолбут үбүлүөйдэринэн миэхэ соһуччу бэлэх уунан тас дойдуга Пекин-Бэйдахэ маршрутунан сынньаттылар. “Надежда” туур салайааччыта, үөрэнээччим Мария Кимовна Саввинова билиэппин, отельбын барытын оҥорон, дуоһуйа сынньанан кэллим. Дьэ, бу буоллаҕа үөрэппит оҕолорум махталлара. Онон бука барыларыгар ис сүрэхпиттэн махтанабын маннык сынньаланы бэлэхтээбиттэригэр. Билигин кинилэр бары дьиэ кэргэн амарах ийэлэрэ, аҕалара, бэйэлэрин олоххо суолларын булан, үлэлии-хамныы сылдьалларыттан мин астынабын. Баҕарабын дьиэ кэргэттэригэр дьолу- соргуну, үлэлэлэригэр үрдүк ситиһиилэри, былааннаммыт былааннара барыта туолуохтун.
Вера Владимирова, Дьокуускай
Аҕа дойду Улуу сэриитин кыттыылааҕа Егор Балбахов, анал байыаннай дьайыы кыттыылаахтара Айаал Балбахов, Валентин Кутейкин…
Соторутааҕыта Дьокуускай куорат маҕаһыыннарыгар саҥа, интэриэһинэй бородуукта баар буолла – эноки диэн ааттаах тэллэй. Азия…
СӨ Ил Дархана Айсен Николаев, РФ Оборуонатын миниистирин солбуйааччы Александр Санчигы кытта, РФ Сэбилэниилээх күүстэрин…
Саха сирин үтүөлээх этээччитэ Арыйаана Романовна Михайлова тэрийбит үбүлүөйдээх күрэҕэр Ньурба улууһуттан Маар орто оскуолатыттан…
Саха сирин, Тыва, Камчатка үөрэх кыһаларын бүтэрбит эдэр дьон үксүн үөрэммит эрэгийиэннэригэр олохсуйан үлэлии хаалаллар,…
Бүгүн, ахсынньы 5 күнүгэр, Дьокуускайдааҕы А.Е. Кулаковскай аатынан норуоттар доҕордоһууларын дьиэтигэр өрөспүүбүлүкэ норуоттарын национальнай култуураларын…