Хаартыска: Зинаида Дмитриева тус архыыбыттан
Оксана Макаровна Платонова олоҕун аргыһа математика, физика учуутала Платонов Александр Васильевич туһунан 2022 с. 253 страницалаах Дьокуускайга “Сайдам” кинигэ кыһатыгар 253 сирэйдээх кинигэ таһаарбыт.
Александр Васильевич СӨ Үөрэҕириитин туйгуна, тапталлаах кэргэн, аҕа, эһээ, элбэх үөрэнээччи таптыыр учуутала. Кини Ньурба Чаппандатыгар 1957 с. нуучча тылын учууталлара Платонов Василий Николаевич, Корякина Татьяна Петровна дьиэ кэргэнигэр күн сирин көрбүт. Бары 8 уол оҕолорун “А” буукубаттан аат биэртэлээн, дьоллоохтук оскуолаҕа оҕолору үөрэтэн олорбуттар.
Кэлин Антоновка оскуолатыгар өр сыл үлэлээн баран, Дьокуускай куоракка көһөн кэлэн олохсуйбуттар. Кинигэҕэ Александр Васильевич төрдүн-ууһун, төрүттэрин туһунан чугас аймаҕа, СӨ Үөрэҕириитин туйгуна, суруйааччы Ахмет Андреевич Дмитриев суруйбут “Күөх Ньурба төрүттэрэ” диэн кинигэттэн олус саталлаахтык киллэриллэн кинигэни тупсарбыт. Түүллээх Дүҥүрдээх Түлүөн ойуун Мохсоҕол аҕатын ууһун уонна Дьооҕулар аймах аҕатын өттүнэн төрүттэрин туһунан суруйуу кинигэни аһар.
Кинигэҕэ оҕо сааһын ахтыылара, биир идэлээхтэрин суруйуулара киирбиттэр. “Инникигэ хардыы”» кыттааччылара өйдүүллэрин-саныылларын туһунна истиҥник суруйбуттар олус бэркэ суруйбуттар. Бииргэ төрөөбүттэрэ, оҕолоро, кэргэнэ, ийэ кынна, аймахтара киэн тутталларын, махтаналларын, сүгүрүйэлллэрин биллэрбиттэр.
Александр Васильевич научнай үлэҕэ оҕолору сыһыартаан улахан ситиһиилэммитин кинигэттэн биллибит. Саша бары өттүнэн эргиччи сайдыылаах буолан учуутал аатын үрдэппит киэҥ билиилээх оҕолору үөрэтэн таһаарбытын сөҕө аахтыбыт. Кинилэр дьиэлэригэр суруйааччы Чехов: “В человеке все должно быть прекрасно и одежда, и лицо, и ум..”, – диэн этиитинэн салайтараллара.
Кийииппитигэр Платонова Оксана Макаровнаҕа учуутал, ирдэбил, иитии, оҕолорго билии биэрии туһунан кинигэ таһаарбытыгар махтанабыт.
Дмитриевтэр учуутал династияларын аатыттан Зинаида Дмитриева.
Дьокуускай куорат.
Ил Дархан Айсен Николаев өрөспүүбүлүкэ терроризмы утары охсуһар хамыыһыйатын уонна суһал ыстаап холбоһуктаах мунньаҕын ыытта.…
Виктория Семенова унтуу тикпитэ сүүрбэччэ сыл буолбут. Бэйэтэ этэринэн, бу сыллар тухары 50 тыһыынчаттан тахса унтууну…
Бырабыыталыстыба бэрэссэдээтэлин солбуйааччы Георгий Степанов салайааччылаах өрөспүүбүлүкэ социальнай салаатын салайааччылара сыл аайы ыытыллар «Үтүө санаа…
Амматааҕы полиция дьуһуурунай чааһыгар олохтоох киһи массыынатын уоттуу сатаабыттарын туһунан иһитиннэрбит. Эр киһи быһаарбытынан, дьиэтин…
Дьокуускай куорат мээрэ Евгений Григорьев пресс-кэмпириэнсийэ кэмигэр суруналыыстар киин куоракка сылы эргиччи үлэлиир итии былаһааккалары…
Төрөөбүт тыллары харыстыыр уонна сайыннарар судаарыстыбаннай бырагыраама чэрчитинэн, 2026 сылтан саҕалаан, муниципальнай бибилэтиэкэлэргэ оҕо төрөөбүт…