Бүгүн «Азия оҕолоро» норуоттар икки ардыларынааҕы спортивнай оонньууларга мас-рестлиҥҥэ Тимир Луковцев кыһыл көмүс мэтээли хамаандатыгар аҕалла.
Мэҥэ Хаҥалас 2 Наахара нэһилиэгиттэн кылааһын салайааччытынан үлэлээбит Татьяна Павловна Семенова бу курдук санаатын үллэһиннэ:
— Тимир Луковцев Мэҥэ Хаҥалас Наахаратын биир мааны ыалыгар Алена Андреевна, Николай Владимирович Луковцевтар дьиэ кэргэннэригэр иккис оҕонон күн сирин көрбүтэ. Иван Иванович Платонов аатын сүгэр Наахара орто оскуолатыгар бэһис кылааска тахсыбыт оҕолоругар кылаас салайааччытынан анаммытым. Бары өттүнэн талааннаах Тимир Луковцевы тута өйдөөн көрбүтүм. Дакылаат ааҕан, араас олимпиадаларга ситиһиилэнэн, спорт өттүнэн үлүһүйэн, кылааспыт аатын ааттаппыта. Майгытынан сымнаҕас, толоругас, көрсүө, кылааспыт лиидэрэ. Истиҥ доҕор.
Спорт өттүнэн өссө сайдаары Төхтүр оскуолатыгар үөрэнэ барбыта. Ол да буоллар, дойдутугар кэлэн, оскуолаҕа ыытыллар тэрээһиннэргэ куруук көхтөөхтүк кыттар. Билигин даҕаны доҕотторун кытта истиҥ сыһыаннаахтар. Сайынын тэҥҥэ сүүрэн-көтөн , оонньоон, бары бииргэ сылдьаллар.
Үөрэнээччибинэн киэн туттабын, өссө да үрдүк чыпчааллары дабайыа диэн бигэ эрэллээхпин!
Бүгүн, от ыйын 1 күнүгэр, Өлөөҥҥө Мииринэй хоту өттүгэр, Үөһээ Халымаҕа ардыыра, күнүс Мииринэйгэ, Ньурбаҕа,…
Өрөбүл күн сарсыарда эрдэттэн чэпчэки атлетикаҕа күрэхтэһии саҕаланна. Эбиэт иннинэ Саха сирин чэпчэки атлетикаҕа сүүмэрдэммит…
Мэҥэ Хаҥалас Майатыттан "Саха сайдам ыала" , "Тыа ыала" күрэхтэр кыттыылаахтара элбэх оҕолоох Елизавета уонна Герман…
Туймаада ыһыаҕа сыл аайы суруналыыстары кытта бэрт үгүс кэрэхсэбиллээх айар куттаах дьону көрүһүннэрэр. Мэҥэ Хаҥалас…
Туймаада ыһыаҕын кэмигэр куорат мээрэ суруналыыстары кытта көрсөр үгэһинэн быйыл эмиэ бэйэтэ болдьообут чааһыгар кэлэн…
Ыччат күнүгэр, бэс ыйын 29 күнүгэр, Туймаада ыһыаҕын кэмигэр «Ыччат ситимэ - 2024» ыччат бэстибээлэ…