Хаартыска sakha.gov.ru ылылынна
Бүгүн, кулун тутар 30 күнүгэр, Уһук Илиҥҥи федеральнай уокурукка РФ Бэрэсидьиэнин боломуочуйалаах бэрэстэбиитэлин солбуйааччы Григорий Куранов сэминээри аста.
Уһук Илиҥҥи федеральнай уокурук субъектарыгар бу пропагандалыыр-быһаарар үлэҕэ үөрэтэр сэминээр буолар. Кини Уһук Илиҥҥи уокурукка РФ Бэрэсидьиэнин боломуочуйалаах бэрэстэбиитэлэ Юрий Трутнев эҕэрдэ тылын тиэртэ уонна сэминээр сыалын-соругун кэпсээтэ.
Кини этэринэн, билигин хаһааҥҥытааҕар даҕаны иитии үлэтигэр итэҕэһи, көтүппүтү ситэрэр суолталаах. Сэминээргэ икки күн устатыгар, оскуолаҕа киириэн иннинээҕи саастаах оҕолору иитии-үөрэтии ситимигэр уонна култуура эйгэтигэр эппиэтинэстээх үлэһиттэр билиилэрин-көрүүлэрин хаҥатыныахтара уонна ону кэлэр өттүгэр үлэлэригэр туһаныахтара. Григорий Куранов пуорум сүрүн сыалынан-соругунан ылбыт билиини-көрүүнү туһаныы буоларын бэлиэтиир. Маныаха үөрэх уонна култуура эйгэтигэр маннык сэминээр аан бастаан ыытыллар.
«Разговор о важном для взрослых» сэминээр эдэр көлүөнэҕэ үөрүйэҕи иҥэриигэ, сиэр-майгы, духуобунас сыаннастарын харыстыырга сирдиир, такайар.
Саха сириттэн 35 киһи очнай көрүҥүнэн, онлайн киэбинэн СӨ оскуолаҕа киириэн иннинээҕи саастаах оҕолору үөрэтиигэ уонна култуура эйгэтигэр эппиэтинэстээхтэр кытталлар.
СӨ Ил Дарханын уонна Бырабыыталыстыбатын пресс-сулууспата
Өлүөнэни туоратар муостаны тутуу бигэргэммит кыраапыгынан ыытыллар. Генеральнай бэдэрээтчит уонна бэдэрээтчит тутар-таҥар үлэ комплексын хааччыйаллар.…
“Саха сирэ – Дьоруойдар дойдулара” – билиини уонна уопуту туһанарга уочараттаах хардыы, диир байыаннай дьайыы…
“Саха “ГТРК “Быһа биэрии” биэриитин эпииригэр Айсен Николаев буолан ааспыт олохтоох салайыныы уорганнарын түмүгүн туһунан…
Быйыл сайын Эбээн Бытантай улууһун Дьарҕаалааҕар от үүнүүтэ мөлтөҕүн да иһин, сүөһүлээх-астаах тыа ыаллара сыл…
Бу күннэргэ Өймөкөөн улууһугар толору оту тиэммит массыыналар "Халыма" федеральнай айан суолунан Өймөкөөн улууһун туһаайыытын…
Саха Өрөспүүбүлүкэтин Ил Дархана Айсен Николаев “Россия24” телеханаалга “Быһа кэпсэтии” бырагыраама эпииригэр Дьокуускайга тырааныспар ситимин…