Алтынньы 27 күнүгэр Дьокуускай куорат Гагаринскай уокуругар, үөрүнэн сылдьар бэйдиэ ыттар дьахтарга саба түстүлэр.
Кини дьолугар, чугас дьон баар буолан өрүһүйбүттэр. Биир кэлим диспетчерскэй сулууспаҕа эрийэн бэйдиэ ыттары туттарар туһунан сайаапка түһэрбит. Онуоха, «Бэйэҕит уокуруккутугар сайаапката түһэриҥ” диэбиттэр. Дьахтар Гагаринскай уокурукка эрийэн бэйдиэ ыттартан эмсэҕэлии сыспытын иһитиннэрбит. Кини кыһалҕатыгар болҕомто уурбатахтар.
Бэйдиэ ыттары тутар массыына нэдиэлэҕэ иккитэ эрэ сылдьар эбит. Кыстыкка киириигэ бу бастакы түгэн буолбатах. Маныаха майгынныыр түгэн соторутааҕыта 17-c кыбартаалга буолла. Кыра оҕоҕо кэнниттэн кэлэн ыт саба түһэн улаханнык эчэппит. Оҕо төбөтүгэр 12 тигиини оҥорбуттар. Саха сиригэр сыл ахсын түөрт атахтаах доҕортон эмсэҕэлээччи ахсаана аҕыйаабат. Ыттары тутар биригээдэ үлэһиттэрэ иһитиннэрбиттэринэн, ыт оҕоҕо саба түспүт сиригэр, Жорницкай уулуссаҕа, сэтинньи 1-2 түүн үлэ ыытыллыбыт. Оҕоҕо саба түспүт ыкка майгынныыр биир ыты туппуттар. Ыттары быстах кэмҥэ тутар пууҥҥа илдьибиттэр. Ыт моойторуктаах эбит. Ыт хаһаайыттарын булан эппиэтинэскэ тардарга үлэ ыытыллар. Дьоҥҥо саба түһэр, бэйдиэ сылдьар, ытыраары ырдьыгыныыр ыттары хаартыскалаан 89142610698 муниципальнай управление киинин чат-ботугар ыытарга сүбэлииллэр.
Хаартыска: gpmikun.ru
Халлаан тымныйан, биһиги курдук дьон дьиэҕэ хаайтарар кэммит кэллэ. Хаарыан өрөбүлүм таах хаалаары гынна, сырдык…
Түүл туһунан тугу билэбитий? Киһи түүлүн 90 бырыһыанын умнар уонна 10 бырыһыанын эрэ өйдөөн хаалар.…
Бүгүн кэпсэтэр байыаһым Аҕа дойду көмүскэлин ытык иэһинэн ааҕар Үөһээ Бүлүүттэн төрүттээх “Боха” диэн позывнойдаах…
Байанай – баай хара тыа иччитэ, ойуур, көтөр-сүүрэр таҥарата. Кинини былыргы сахалар олус үөрүнньэҥ, кэһии…
Сылбыт элэҥнээн ааһа охсон, номнуо бүтэһик ый – ахсынньы үүннэ. Саҥа сылга диэри ыйы кыайбат…
Аатырбыт-сураҕырбыт, норуот тапталын ылбыт “Туймаада” судаарыстыбаннай вокальнай ансаамбыл дириэктэрэ, уус-уран салайааччыта, СӨ ускуустубатын үтүөлээх диэйэтэлэ …