Хаартыска: "Дьиикимдэ дьээбэлэрин кэлэктиибиттэн
Көр-күлүү күнүттэн муус устар саҕаланар.
Бу күнү көрсө Намҥа М.К.Аммосов аатынан Култуура уонна духуобунай сайдыы дыбарыаһыгар, Дьокуускайга Үүнэр көлүөнэ тыйаатырыгар Горнай улууһуттан «Дьиикимдэ дьээбэлэрэ» көр-күлүү народнай мини-тыйаатыр «КӨРКҮЛ» диэн кэнсиэринэн гостуруоллаата, биһирэбили ылла.
«Дьиикимдэ дьээбэлэрэ» Дьокуускай куорат улахан сыанатыгар, Үүнэр көлүөнэ тыйаатырыгар, аан бастаан 2001 сыллаахха тахсыбыттара. Онтон бу икки күн Намынан, Дьокуускайынан сылдьан элбэх көрөөччүнү күллэрэн үйэлэрин лаппа уһаттылар. «Дьиикимдэ дьээбэлэрэ» Горнайга 1999 сыл сэтинньи ый 25 күнүгэр тэриллибитэ. Өрөспүүбүлүкэҕэ 2000 сыллаахха көр-күлүү бэстибээлигэр кыттан, «Бэйэ бастыҥ айымньыта» номинацияны ылбыттара. 2001 сыллаахха Мэҥэ Хаҥаласка Майаҕа бэстибээлгэ Гран При буолбуттара. 2003 сыллаахха Уус Алдаҥҥа «Дьээбэрэҥ» куонкуруһугар дьээбэрэҥ аҕалаатар аҕатыттан Иван Иванович Бурцевтан «Сыл бастыҥ режиссера» ааты ылан үөрүү-көтүү бөҕө буолбута. 2004 сыллаахха норуодунай буолбуттара.
«Дьиикимдэ дьээбэлэригэр» араас кэмнэргэ режиссердарынан Артур Егоров, Владимир Егоров сырыттылар. Тыйаатыр репертуарын Артур Егоров суруйар.
Тыйаатыр «КӨРКҮЛ», «КӨР АБЫТАЙ» кэнсиэртэринэн араас улуустарынан гостуруоллуур. Дьокуускайга улахан бырааһынньыктарга буолар тэрээһиннэргэ кыттар. Өрөспүүбүлүкэҕэ биһирэнэр «Без быара», «Тайах мичээрэ», «Көр бутугас» о.д.а. көр-күлүү кэнсиэртэригэр кыттар, тэрийэр.
Бу икки күн устатыгар тыйаатыр сүрүн артыыстара кытыннылар. Ол курудк тыйаатыры төрүттээччи, билигин Дьокуускайга эппиэтинэстээх үлэҕэ үлэлиир Владимир Акимов-Үрүҥ Һуба Оһокко тойон, Мытаах түмэл-галереятын дириэктэрэ Артур Егоров — Били киһи, «Дьиикимдэ дьээбэлэрэ» тыйаатыр дириэктэрэ Диана Максимова-Сайылык кыыһа Бэлэс Мэтэкэ Хотун, И.Е.Варламов аатынан Мытаах сынньалаҥ киинин дириэктэрэ Анастасия Мордовская, Мытаах нэһилиэгин ыччаты кытары үлэни салайар Сергей Высокомернай – Хотой, тыйаатыр артыыскалара, ырыаһыттара Сайыына уонна Мия Егоровалар.
Көр-күлүү ураты күнүн көрсө сэргэх тэрээһиннэр ыытылыннылар. Көрөөччүлэр улаханнык астынан, үөрэн-көтөн тарҕастылар.
Аллайыаха улууһун Чокуурдаах бөһүөлэгэр ыт ииримтийэн ыалдьыбыта бэлиэтэммит. Бу кутталлаах ыарыыны бэйдиэ сылдьар ыттан булбуттар…
Дьокуускай киинигэр, Чернышевскай уулуссатыгар 13 этээстээх, 9 тыһыынча кв.м. иэннээх, 4 сулустаах, аныгылыы көрүҥнээх гостиница…
Дьокуускайга “Кыталык көтүүтэ” бырайыак суол каартатын торумнааһыҥҥа учуонайдар, экологтар, муниципалитет, туризм биисинэһин, култуура, сонуннары киэҥник…
2025 сыл муус устар 5 күнүгэр “Звезда” телеханаал Арассыыйа Федерациятын Оборуонаҕа министиэристибэтин өйөбүлүнэн “Звезда-2025” норуоттар…
Эрдиини ыһыктымыахха наада бу олоххо, Бырахтыҥ да сүүрүк хоту сурулуу устаҕын, туох да быыһаабат, Арбаҕастаах…
Василий Киренскэй баһаарынай чаас суоппарыттан саҕалаан фронтовик буолбута. Оттон билигин эйэлээх идэҕэ төттөрү киирдэ. Байыаннай…