Бэйэ оҥорбута быдан үйэлээх. Онтон ис сүрэхтэн оҥоһуллубут көмө үйэлэр тухары өлбөөдүйбэт аналлаах.
Хайа баҕарар киһи инникигэ эрэллээх буоллаҕына нус бааччы утуйар, оҥорбута-туппута барыта табыллан, сатанан иһэр. Дьон-сэргэ истиҥ сыһыаныттан, болҕомтотуттан дьоллонор, үөрэрэ, санаата-оноото көтөҕүллэн, эрчимирэргэ дылы буолар. Маны барытын таба өйдөөннөр, дойдум дьоно — бээдилэр (Уус Алдан), кырдьаҕастарга сылын аайы сана сылга үктэнээри олорон, көмө оҥорор үтүө үгэстээхтэр.
Маннык үтүө үгэс салҕанан барарыгар, дьону түмэргэ туһааннаах үлэ барар. Бээдигэ биир маннык түмэр, көҕүлүүр киһинэн «Алгыс» түмсүү уонна бэтэрээннэр сэбиэттэрин бэрэссэдээтэлэ Евдокия Захаровна Шергина буолар.
Кини түмсүүлэрин үлэтин өссө кэҥэтэр былааннаахтарын туһунан кэпсиир:
—Биһиэхэ дьон махтала, кинилэр үөрбүт харахтара, истиҥ мичээрдэрэ туохтааҕар да күндү. Кинилэр биһигини инникигэ көҕүлүүр сүдү күүһүнэн буолаллар, — диир кини уонна тэрээһиҥҥэ көхтөөхтүк кыттар, бииргэ үлэлиир дьонугар махталын тиэрдэр.
Кинилэр бу сырыыга сарсыарда эрдэттэн ас астаан түбүгүрбүттэр. Ол астарын биир-биир суулаан баран, салааскаҕа соһон бөһүөлэк устунан үөрүү-көтүү аргыстаах ытык кырдьаҕастарыгар туттараары туруннулар. Маныаха: «Эһиэхэ куруутун махтанабыт, саныы-саныы үөрэбит. Дьиэбитигэр үөрүүнү-көтүүнү үксэтэҕит», — дэһэллэр ытык кырдьаҕастар. Чахчы, кинилэр киирбит ыалларыгар дьиэ иһэ сырдыырга, сылааһынан уратытык илгийэргэ дылы буолар.
«Алгыс» түмсүүгэ анаан эттэхпинэ, эһиги алгыстаах айаҥҥыт суола кэҥээн, ыыра ыраатан истин.
Иван Сивцев — Бээди.
Евдокия Шергина хаартыскаларга түһэриитэ
Субуотаҕа киин куоракка Даркылаахха массыына ууга түспүт алдьархайа дьон-сэргэни аймаата. Кыыс оҕо уонна эр киһи…
Үүнэр сылтан НДС уонна дьиэ-уот тарыыптара үрдүүллэр, МРОТ, биэнсийэ уонна тиийинэн олоруу алын кээмэйэ улаатар.…
Саҥа дьыл бырааһынньыгын көрсө, Дьокуускай куорат биир биллиилээх эрэстэрээнэ үгэс буолбут «Саҕынньахтаах селедка» салааты саха…
Омугуттан тутулуга суох бэйэ төрөөбүт тылын билии — олох сүрүн ирдэбилэ. Ааһа баран, элбэх тылы…
Өрөбүл сарсыарда Дьокуускайга Каландаришвили уулуссаҕа турар икки этээстээх олорор дьиэҕэ баһаар тахсыбыт. Быһылаан тахсыбыт сириттэн…
Кыһын дьиэ үүнээйилэрэ мэлдьи эрэйдэнэллэр, сэбирдэхтэрэ саһарар уонна түһэр диэн «Ученый агроном» ханаал ааптара суруйар.…