Үгүлээккэ мас арааһын олортулар

Балаҕан ыйын 12 күнүгэр Бүлүү улууһун Үгүлээт нэһилиэгэр Кыайыы болуоссатыгар, Улуу Кыайыы 80 сылыгар анаан, мас арааһын олортулар.

Ол курдук, Д.Г. Макарова аатынан «Зеленый пояс Вилюя» экологическай пуонда салайааччыта Ксения Гаврильевна Макарова «Яблоневые сады Победы» РФ бэрэсидьиэнин гранын кыайан, 44 яблоня, сирень, черемуха аҕалан субуотунньуктаан олортулар, уу кутар ситими таҥнылар.

Ону таһынан пуонда салайааччыта Ксения Гаврильевна анал байыаннай дьайыыга  сылдьар уолаттарбыт төрөппүттэригэр, чугас дьонноругар сирень мастары дьиэлэрин тэлгэһэлэригэр олордон үөртэ. Нэһилиэк олохтоохторо тэрээһиҥҥэ көхтөөхтүк кытыннылар.

Бу тэрээһин «Зеленый пояс Вилюя» экологическай пуонда бырайыага, дойду бэрэсидьиэнин гранын өйөбүлүн ылан, биһиги өрөспүүбүлүкэбитигэр тарбахха баттанар ахсааннаах нэһилиэктэргэ ыытыллар.

Үгүлээттэн Аҕа дойду сэриитин толоонугар охтубут буойуттар, Улуу Кыайыы өрөгөйүн аҕалбыт буойуттар ааттара хас биирдии маска иилилиннэ.

Лена Мандарова