Александр Тарасов хаартыската
Бүгүн, атырдьах ыйын 23 күнүгэр, Бүлүү улууһугар уһук сытар Үгүлээт нэһилиэгэ тэриллибитэ 390 сылын бэлиэтиир үтүөкэннээх тэрээһин буола турар.
Төһө даҕаны күһүн сатыылаан эрэрэ биллибитин иһин, бу күн сайыҥҥы үтүө сылаас күнү бэлэхтээтэ.
Эбэ күөл налыы сыһыытыгар Үгүлээт дьоно-сэргэтэ, ыраахтан-чугастан кэлбит ыалдьыттар тоҕуоруһа муһуннулар. Уруккуну-хойуккуну кэпсэтистилэр, кэлэр кэскили түстээтилэр.
Тэрээһин мааны алгыһын аар-саарга аатырбыт, Дархан этээччи Каролина Харлампьева алгыстаах тойугунан айхаллаата-уруйдаата. Эҕэрдэ тылы Үгүлээт нэһилиэгин баһылыга Октябрь Лукин, Бүлүү улууһун баһылыгын солбуйааччы Иван Евсеев уонна ыраахтан кэлбит ыалдьыттар эттилэр. Үгүлээт сайдыытыгар өр сылларга үлэлээбит дьоҥҥо Махтал суруктары туттартаатылар.
Салгыы Үгүлээт нэһилиэгэ тэриллибитэ 390 сыллаах үбүлүөйүгэр аналлаах сэргэни туруоруу сиэрэ-туома ыытылынна.
Үгүлээт тэриллибит устуоруйатын көрдөрөр аналлаах уус-уран ураты көрдөрүү дьон болҕомтотун тардыан тарда.
Үтүө тэрээһин уйгуну түстүүр оһуокайынан түмүктэннэ.
Мантан киэһээҥҥи өттүгэр саха эстрадатын сулустара Санита Ай уонна Эрхан ураты кэнсиэртэрэ буолуоҕа.
Кылаан Кындыл алгыһынан, тойугунан арыйда. ''Сэргэлээх уоттара'' култуура киинигэр эдэр ырыаһыт Иоганн Матвеев бастакы айар…
Тылгынылар уолларыгар 100 тыһыынча солкуобайы бэлэх ууннулар. Бүгүн саха эстрадатын чаҕылхай сулуһа Иоганн Матвеев бастакы…
Горнай улууһугар Атамайга "Радуга" уһуйаан тэриллибитэ 65 сылын бэлиэтиир тэрээһин өрө көтөҕүллүүлээхтик буолла. Бу күн…
Оҕо уруһуйугар болҕомтоҕутун ууруҥ диэн психологтар сүбэлииллэр. Баһыйар өҥүнэн оҕо уйулҕатын туругун быһаарыахха сөп диэн…
Былыр-былыргыттан дьон харчыга сыһыаннаах бити-билгэни итэҕэйэр, туһанар. Ол ханныктарый? Остуолга кураанах иһиттэр, вазалар, бытыылкалар туруо…
Дьокуускайга сылы эргиччи оҕуруот аһын, күөх үүнээйини үүннэриинэн дьарыктанар "Саюри" тэпилииссэ комплексыгар газовай электрстанция (ГПУ)…