Сайаана Львова хаартыскаҕа түһэриитэ.
Саха Өрөспүүбүлүкэтин Бырабыыталыстыбатын бэрэссэдээтэлин солбуйааччы Михаил Никифоров ситэриилээх былаас отчуотун кэмигэр Бүлүү улууһун Үгүлээтигэр тутулла турар оҕо уһуйааныгар сылдьан көрдө-иһиттэ. Саҥа тутуу 2020 сылтан саҕаламмыт уонна ааспыт сыл бүтүүтэ түмүктэнэн, ис оҥоһуутун ситэрбиттэр.
Оҕо уһуйаана бу дьыл олунньу 25 күнүгэр үөрүүлээх быһыыга тэличчи аһаары олорор. 50 миэстэлээх оҕо тэрилтэтэ тыа сирин сайыннарыы федеральнай бырагырааматынан тутулунна.
«Приоритет» хампаанньа кыһыҥҥы суол баарыгар матырыйаалларынан сөптөөхтүк хааччынан, кылгас кэм иһигэр тутуу болдьоҕор түмүктэннэн. Онуоха олохтоохтор даҕаны интэриэстээх буоланнар, туора турбакка, бары күүстэрин холбоон көмөлөспүттэр.
«Тугутчаан» уһуйаана икки этээстээх, киэҥ-куоҥ аныгы ирдэбилгэ эппиэттиир, толору хааччыллыылаах. Оҕо сайдарыгар, үүнэригэр усулуобуйа оҥорон, үгүлээттэр кэскиллэрин түстээтилэр.
Бу күннэргэ нэһилиэк олохтоохторо түмсэн оҕо уһуйаанын аһаарылар, сууйа-сото, миэбэллэрин туруортуу сылдьаллар.
Саха Өрөспүүбүлүкэтин Бырабыыталыстыбатын бэрэссэдээтэлин солбуйааччы Михаил Никифоров олохтоохтор түмсүүлээхтэрин бэлиэтээтэ, саҥа дьиэҕэ киирэллэринэн эҕэрдэлээтэ уонна төрөөбүт дойдулара сайдарын туһугар өссө күүскэ үлэлииллэригэр эттэ.
Саха сирин синоптиктара билгэлииллэринэн, бүгүн, тохсунньу 2 күнүгэр, Саха сирин үгүс улуустарыгар кыратык хаардыа, Өлүөнэ…
Ахсынньыга үөрэх үлэһиттэрин саамай улахан күөн күрэһэ — Бүтүн Арассыыйатааҕы “Сыл учуутала‑2025” күөн күрэс өрөспүүбүлүкэтээҕи…
2026 сыл зодиак бары бэлиэлэригэр уларытыыны, бэлэҕи бэлэмнээн турар. Сорохтору дьылҕаларын быһаарар көрсүһүү, үлэҕэ үрдээһин…
sakha-sire.ru саайт «Кэпсээннэ истиэҕиҥ» диэн бырайыагар «Саха сирэ» хаһыат суруналыыһа Людмила Попова "Оҕо кута" кэпсээнин…
2026 сыл хайдах буолуоҕун Саха сиригэр киэҥник биллибит экстрасенс Алексей Иванович Божедонов‑Сырдык хаһыаппыт ааҕааччыларын кытары…
Тохсунньу – Таҥха Хаан Айыы ыйа. Тохсунньу тутула Тохсунньуну былыр бүтэй кэм дииллэрэ. Хотугу сахалар…