Үгүлээттэр аһымал кэнсиэр ыыттылар

Бу күннэргэ Бүлүү улууһун Үгүлээт нэһилиэгин «Үнээкээн аартыга» түөлбэ маннык кэмҥэ туора турбакка, тыылга баар хас биирдии киһи бэйэтин тус өҥөтүн киллэриэхтээх диэммит түмсэн кэнсиэр туруордубут.

Үгүс ыал, дьиэ кэргэн аҕалара, оҕолоро күн бүгүн сэрии уотугар эйэлээх, нус-хас олох туругурарын туһугар байыаннай дьайыыга ытык иэстэрин төлүү сылдьаллар дьоммутугар анаатыбыт. Үгүлээттэн төрүттээх олохторун дьоруойдуу толук уурбут буойуттары Василий Афанасьевы, Леонид Борисовы, Дмитрий  Винокуровы ахтан-санаан, кинилэр сырдык мөссүөннэригэр сүгүрүйэн туран биир мүнүүтэ хоҥкуйан туруунан чиэстээтибит.

Уолаттарбыт төрөппүттэригэр, маннык эр санаалаах дьиҥ патриоттары ииппиттэригэр сүһүөхтээх бэйэбит сүгүрүйэбит… Кинилэр ааттара кэлэр көлүөнэ ыччакка мэлдьи ахтылла сырыттыннар диэммит, нэһилиэк дьоно кыттыһаммыт өйдөбүнньүк мемориальнай дуоска туруоруоххайыҥ диэн этии киллэрдибит. Үөрэммит И.В. Яковлев аатынан Үгүлээт орто оскуолаларыгар дьоруой паартата баара хайаан да ирдэниллэр дии саныыбыт. Кэнсиэртэн киирбит 20350 харчыны байыаннай дьайыыга сылдьар уолаттарбытыгар ыытаары хамыыһыйаҕа туттардыбыт. Уолаттарбыт, мохсоҕоллорбут төрөөбүт дойдуларыгар этэҥҥэ, чэгиэн эргиллэн кэлэллэрин туһугар хоолдьуктаах бэйэбит хоҥкуйан тураммыт Үрдүк Айыыларбытыттан көрдөстүбүт.

Лена Мандарова, «Үнээкээн аартыга» түөлбэ салайааччыт