Үгүлээттэр уолаттарыгар ас-үөл, таҥас-сап ыыттылар

Бүлүү улууһун Үгүлээт нэһилиэгин олохтоохторо байыаннай дьайыы саҕаланыаҕыттан көмө аахсыйалары оҥорон барбыттара уонна көхтөөхтүк кытталлар. Бу улахан хайҕаллаах дьыала.

Ол курдук, 2024 сылы ылан көрдөххө, биһиги нэһилиэк дьоно-сэргэтэ байыаннай дьайыыга аҥаардас харчынан 650 тыһ. солк. хомуйан, Кыайыы пуондатыгар киллэрдибит.

Байыаннай дьайыыга сылдьар уолаттарьыт дьиэ кэргэттэригэр көмө тиһигэ тохтообокко ыытыллар. Быйыл бу күннэргэ байыаннай дьайыыга сылдьар байыастарбытыгар хас биирдиилэригэр Аҕа дойдуну көмүскээччи күнүгэр анаан элбэх кэһиилээх баһыылканы оҥорон, «Бары күүһү — Кыайыыга!» аахсыйа чэрчитинэн эргэрбэт ас-үөл, суунарга-тараанарга туттуллар мал, таҥас-сап, дронтан көмүскэнэргэ сап илимнэри нэһилиэкпит олохтоохторо аҕалан, тустаах аахсыйаҕа көхтөөхтүк кытыннылар.

Үгүлээттэн Лена Мандарова.

Хаартыскаҕа Октябрь Лукин түһэриилэрэ.