Үгүс оройуоннарынан -45° кыраадыска тиийэ тымныйыа

Бүгүн, тохсунньу 6 күнүгэр, Саха сирин синоптиктара кыралаан хаар түһэрин, үгүс оройуоннарынан сөҥүүтэ суох, нэһилиэктэринэн түүн туманнаах күн турарын сылыктыыллар. Бу туһунан УГМС саайта иһитиннэрэр.

Өрөспүүбүлүкэҕэ соҕуруу, соҕуруулуу-илин кыралаан хаардыыр, атын оройуоннарынан сөҥүүтэ суох, нэһилиэктэринэн түүн туманнаах буолуо. Нерюнгрига, Алдаҥҥа  сөкүүндэҕэ 15-18 м. түргэннээх күүстээх тыаллаах, буурҕа түһэр.

Салгын температурата түүн -35-40°, хоту, Өлүөнэ өрүс алын тардыытынан, Бүлүү бөлөх улуустарынан -44-49°, соҕуруу, соҕуруулуу-илин, сорох сиринэн Халымаҕа -26-31°, күнүс -30-35°, хоту, Өлүөнэ өрүс тардыытынан, Бүлүү бөлөх улуустарынан -40-45°, соҕуруу, соҕуруулуу-илин -20-25° кыраадыс тымныы.

Дьокуускайга салгын температурата түүн -36-38°, күнүс -30-32° кыраадыс тымныы. Сөҥүүтэ суох, түүн уонна сарсыарда  туманнаах, хотугулуу-арҕааттан сөкүүндэҕэ 1-4 м. түргэннээх тыаллаах.