Үгүс улуустарга күүстээх тыал түһэрэ күүтүллэр

Бүгүн, ыам ыйын 9 күнүгэр, сарсыарда Эдьигээн улууһугар  соҕурууттан  10-15 м,  сорох сиринэн  25-28 м түргэннээх тыал, буурҕа түһэрэ күүтүллэр. 

Маны таһынан Өлөөн, Мииринэй, Сунтаар, Ньурба, Бүлүү, Үөһээ Бүлүү, Кэбээйи, Эбээн Бытантай, Дьааҥы улуустарыгар 15-20 м түргэннээх тыал түһэрэ сабаҕаланар.

Өрөспүүбүлүкэ соҕуруу, хотугулуу-арҕаа, хотугулуу илин, илин уонна соҕуруулуу-арҕаа өттүгэр кыралаан сөҥүү түһүөҕэ. Салгын температурата түүн  -8-13, хотугулуу-илин -16, арҕаа  -3-8, соҕуруулуу-илин  +2,-3 кыраадыс. Күнүс +4+9, илин  +8+13, соҕуруулуу-арҕаа +15+20, хотугулуу-илин 0,+5 кыраадыс.