Үгүс улуустарынан хаар саппааһа 75% нуорманы таһынан үрдүк

Нуорманы таһынан 10-тан 75 %-ҥа диэри хаар саппааһа Бүлүү бөлөх улуустарынан, Кэбээйи, Ленскэй, Өлөөн, Алдан, Үөһээ Халыма, Аллараа Халыма, Өймөкөөн уонна Усуйаана оройуоннарыгар бэлиэтэнэр.

Бу туһунан Дьокуускайдааҕы УГМС синоптиктара иһитиннэрэллэр. Оттон Индигиир өрүс алын тардыытынан, Анаабыр, Өлөөн өрүстэргэ нуорматтан намыһах хаар саппааһа кээмэйдэммит.

Саха сирин атын улуустарынан нуорма иһигэр уонна нуорматтан намыһах кыра хаар саппааһа бэлиэтэнэр.

Санаттахха, кулун тутарга Саха сирин өрүстэринэн муус туругун мөлтөтөр дьаһаллар саҕаланыахтара.