Хаартыска: Марианна Сивцева тиксэриитэ.
Эһиил Кэбээйи улууһун сиригэр-уотугар күүтүүлээх Олоҥхо ыһыаҕа буолуохтаах. Онно бэлэмнэнии үлэлэр нэһилиэктэринэн тиһигин быспакка ыытыллаллар.
Сииттэ нэһилиэгэр Олоҥхо ыһыаҕар бэлэмнэнэ таарыйа, быйылгы Кыайыы ыһыаҕын үрдүк таһымҥа көрсөр сыалтан, сатабыллаах хаһаайка, истиҥ ийэ, эйэҕэс эбээ Ольга Ивановна Тимофеева олбохтору, кыбытыктары, паннолары, аппликациялары тигэргэ үөрэтэр бэртээхэй маастар-кылааһы ыытта.
“Ольга Ивановна кыра уола байыаннай дьайыы саҕаланыаҕыттан дойдутун чиэһин көмүскүү сылдьар, — диир А.В. Аргунов аатынан Норуот айымньытын, култууратын дьиэтин дириэктэрэ Марианна Сивцева. – Кини хаһан да дьарыга суох олорбот, өрүү сонунтан сонун ииһи булан, айа-тута сылдьар. Бэйэтэ да тугу эмит дьарыктаннахпына эрэ бириэмэни билбэккэ аһарабын диир. Эдэр хаһаайкаларга туһаайан, билиҥҥи үйэҕэ тугу барытын сатыахтааххыт диэн сүбэлиир”.
Маастар-кылааска иистэниэн баҕалаах уонтан тахса кэрэ аҥар көхтөөх кыттыыны ылла. Ольга Ивановна олус тиийимтиэ гына борустуойдук быһааран, быһан уонна тигэн көрдөрбүтүн, баҕалаахтар туспутугар туһаныахпыт диэн видеоҕа устан ыллылар. Быһарын, тикпитин таһынан Ольга Ивановна өҥнөрүнэн аттаран, ханнык олбохтору, паннолары тигиэххэ сөптөөҕүн барытын кэпсээтэ.
“Кыргыттар иккилии паара буолан паннолары үллэстэн тарҕастылар. Онон хамсааһын баран эрэриттэн үөрдүбүт. Ыйга иккитэ көрсөн үлэлэрбитин ырытыһыах буолан тарҕастыбыт. Түгэнинэн туһанан байыаннай дьайыыга сылдьар оҕолордоох кэрэ аҥардарбытыгар, култуура улэһиттэрэ, махтанан туран сэмэй бэлэхпитин туттардыбыт. Нэһилиэкпит көхтөөх кэрэ аҥаардарыгар, ону кытта ыҥырыыбытын ылынан сүбэ-ама буолбут Ольга Ивановна Тимофееваҕа улахан махталбытын тиэрдэбит”, — диэн кэпсээнин түмүктээтэ Марианна Семеновна.
Үөдүгэй нэһилиэгэр түргэнник ситэр салаанан дьарыктанар дьон ахсаана сыллата эбиллэр. Бүгүн өр сылларга дьиэ көтөрүн…
Профилактическай тэрээһиннэр холбоһуктаах дьаһалларын кэмигэр Өлүөхүмэ оройуонугар ИДьМ учаастактааҕы боломуочунайдара уонна ИДьМ подразделениеларын үлэһиттэрэ арыгы…
Бүгүн, кулун тутар 14 күнүгэр, СӨ Тас сибээстэргэ уонна норуоттар дьыалаларыгар министиэристибэтин кэллиэгийэтин Саха сирин…
ИДьМ 2 №-дээх полициятын дьуһуурунай чааһыгар суотабай төлөпүөнү уорбуттарын туһунан эр киһи сайабылыанньа суруйбут. Эр…
Саха сиригэр анал байыаннай дьайыы кыттыылаахтарын дьоруойдуу быһыыларын үйэтитэр сыаллаах мемориальнай комплекс бырайыагын оҥорууга архитектурнай…
2025 сыл саҕаланыаҕыттан Саха сириттэн 50 массыынаны анал байыаннай дьайыыга тиэртилэр. Тиэхиникэни кытта байыастарга чугас…