Ыһыаҕы көрсө саха уустара уонна Даши Намдаков быыстапката биир ситимҥэ

Бэҕэһээ, бэс ыйын 25 күнүгэр, Даши Намдаков быыстапкатын сүнньүнэн MAAYAAN ювелирнай тэрилтэ оҥоһуктарын уонна Марфа Федорова таҥастарын кэллиэксийэтин көрдөрүү буолла. Бэлиэтээн суруйдахха, бу ыһыаҕы көрсө номнуо иккис тэрээһин буолар.

Бу туһунан СӨ Ойуулуур-дьүһүннүүр түмэл социокултуурунай салааҕа методиһа Мария Шестакова санаатын үллэһиннэ:

—Ыһыаҕы көрсө Даши Намдаков ювелирнай сезонун арыйан иккис тэрээһинин көрдөрөбүт. Манна бренд болҕомтоҕо ылыллар, эдэр ювелирдар үлэлэрин билиһиннэрэбит. Художественнай училище устудьуоннарын кытта Марфа Федорова коллаборациятын көрдөрөбүт. Тэрээһиммитигэр элбэх киһи кэлэн үлэһиттэрбит икки сааланан аҥаардаһан кэпсээтилэр. Дизайнер Марфа Федорова таҥастарын уонна MAAYAAN ювелирнай тэрилтэ оҥоһуктара бииргэ ситимнэһиилэрин көрдөрдүлэр. Маны таһынан ыһыаҕы көрсө дьаарбаҥка үлэлиэҕэ. Даши Намдаков быыстапкатынан тэрээһиннэрбит элбэхтэр. Маастар-кылаастар, худуоһунньуктары, култуура диэйэтэллэрин кытта көрсүһүүлэр буолуохтара. Быыстапкабыт үлэтэ күөстүү оргуйар, өрөспүүбүлүкэ олохтоохторун быыстапкаҕа ыҥырабыт.