Бэс ыйын 21 күнэ – Саха сиригэр Ыһыах күнэ! Бу күн Дьокуускайга, “Арчы Дьиэтэ” духуобунай култуура киинигэр “Арчы араҥаччылыыр Алгыһа” сиэр-туом ыытылынна.
Ардах түһэ турар диэбэккэ, күнүс 12 чааска Арчы дьиэтигэр дьон-норуот тоҕуоруйда. “Быйаҥнаах ардах” – дэһэллэр, үөрэллэр. Тэрээһин саҕаланыытыгар Арчы дьиэтин сэбиэдиссэйэ Лариса Константиновна Андреева мустубут дьону Үрүҥ Тунах Ыһыах күнүнэн истиҥник эҕэрдэлээн туран: “Эһиэхэ бука барыгытыгар, эппиккэ дылы, “Алгыс аалы көтүтэр…” – бүгүҥҥү Алгыс эһиэхэ олоххутугар, тус бэйэҕитигэр үтүөнү, кэрэни эрэ түстээтин!”, — диэн баҕа санаатын тиэртэ.
Ыһыах ыһар, Алгыс ылар үтүө күҥҥэ Алгысчыт Петр Петрович Кычкин-Сайылык Бүөтүр, сиэри-туому толорон, Аал уоту оттон, арыылаах алаадьынан айах тутан, мустубут дьонун-сэргэтин амарахтык Алҕаата.
Дьон Алгыс ылан, алгыстаах алаадьынан, алгыстаах кымыһынан күндүлэнэн, сүргэтэ көтөҕүлүннэ, оһуохайга киирдэ.
Алгыс ылар, айыыларга сүгүрүйэр үйэлээх үгэспит – Үрүҥ Тунах ыһыаҕынан бар дьоммутугар эҕэрдэ буолуохтун!
Татьяна АФАНАСЬЕВА.
Хаартыскалары “Арчы дьиэтэ” духуобунай култуура киинэ тиксэрдэ.
2025 сылга Саха сиригэр "Земскэй култуура үлэһитэ" федеральнай бырагырааманан 11 улууска 11 кубуота көрүллүбүтэ. Бастакы…
Арассыыйа Сэлиэстийэлиир кэмитиэтин Саха сиринээҕи салаатын Дьааҥы оройуоннар икки ардыларынааҕы силиэстийэлиир отделынан 45 саастаах эр…
«Черскэй бөһүөлэгин баһылыгын дуоһунаһыгар анал байыаннай дьайыыга кыттыбыт икки дьоһуннаах хандьыдаат туруоруммуттара. Быыбар кыайыылааҕынан Петр…
Саха сиригэр «яконтракт14.рф» саҥа саайт нөҥүө хантараагынан байыаннай сулууспаҕа барааччылар сайаапка хаалларыахтарын сөп. Российскай Федерация…
Саха Өрөспүүбүлүкэтин Ил Дархана Айсен Николаев «Быһа лииньийэтигэр» ыытыллыбыт сылларыгар олохтоохтортон 10 тыһыынчаттан тахса ыйытыы…
Сайын устата кыстыкка бэлэмнэнии араас хайысхалаахтык ыытыллан, оттук сезона саҕаланна. Биллэн турар, барыта эриэ-дэхси буолбатах…