Ыһыахха дроннары көтүтэри боптулар

Бэс ыйын 24-25 күннэригэр буолар Туймаада ыһыаҕар уонна от ыйын 1-2 күннэригэр Өймөкөөҥҥө буолар Олоҥхо ыһыаҕар пилота суох көтөр аппарааттары – дроннары туһанары боптулар.

Ол эрээри Дьокуускай куорат дьаһалтата уонна Өймөкөөн улууһун дьаһалтата анаан көҥүллээтэхтэринэ, дроннары көтүтүөххэ, хаартыскаҕа, видеоҕа устуохха сөп.

Бу маннык миэрэ элбэх киһи мустар сиригэр куттала суох буолууну хааччыйар туһуттан оҥоһуллар диэн СИА суруйар. Өрөспүүбүлүкэтээҕи суһал ыстаап бу маннык миэрэлэр ылыллыбыттарын нэһилиэнньэ өйдүүрүгэр, өйүүрүгэр ыҥырар.