Ыһыахтыыр пааркаҕа толору хааччыллыы киирдэ

Сунтаар улууһугар бэс ыйын 20-21 күннэригэр ыытыллар  ыһыах Сергей Зверев-Кыыл Уола төрөөбүтэ 125 сылыгар ананар.

Бу күннэргэ пааркаҕа тиһэх күннэри баттаһан үлэ-хамнас күргүөмнээхтик барар.

Быйылгы баараҕай тутуулар өрөспүүбүлүкэ  өйөбүлүнэн бараллар. Бу күннэргэ ыһыахтыыр пааркаҕа толору хааччыллыы киирдэ. Маннык дьаһаныы  өрөспүүбүлүкэҕэ  бастакы.

Култуура уонна сынньалаҥ паарката Аҕа дойду сэриитин кыттыылааҕа Дормидонт Данилов көҕүлээһининэн бастакы олуга 1946 сыллаахха ыччаттар күүстэринэн ууруллубута. Аан бастакы улахан ыһыах 1947 сыллаахха тэриллибитэ диэн улуус дьаһалтата иһитиннэрдэ.