сахагов
Алтынньы 8 күнүгэр Санкт Петербурга XIV Петербурдааҕы норуоттар икки ардыларынааҕы гаас пуорумун кэмигэр “Энэргиэтикэ” хайысхаҕа Арассыыйа Федерациятын Судаарыстыбаннай Сэбиэтин хамыыһыйатын мунньаҕа буолла. Мунньаҕы хамыыһыйа бэрэссэдээтэлэ, Саха Өрөспүүбүлүкэтин Ил Дархана Айсен Николаев ыытта.
Манна Энэргиэтикэ, Бырамыысыланнай эргиэн, Тырааныспар министиэристибэлэрэ, эрэгийиэннэр салайааччылара, оттук-энэргиэтикэ комплексын хампаанньалара кытыннылар.
Киирии тылыгар Айсен Николаев гаас-мотуор уматыгын (ГМТ) ырыынагын сайдыытын боппуруостара уонна гаастааһын боппуруостарын хамыыһыйаҕа хаста да көрбүттэрин санатта. Бу өттүгэр үлэ федеральнай былаас уорганнарын таһымыгар уонна ырыынак кыттыылаахтарын кытта ыытыллар. Дойду эрэгийиэннэригэр гаас саппыраапкаларын тутууга субсидиялар бэриллэллэр, тырааныспары гааска көһөрөллөр. Соторутааҕыта РФ Бырабыыталыстыбата 2035 сылга диэри гаас-мотуор уматыгын ырыынагын сайыннарыы кэнсиэпсийэтин бигэргэппит.
“Дойдубутугар гаас-мотуор уматыгын туһаныыга сүҥкэн кыахтар бааллар. Маны массыынаҕа уматык, ол иһигэр таһаҕас тиэйэр массыыналарга, оптуобустарга, хайа бырамыысыланнаһын тиэхиньикэтигэр, тыа хаһаайыстыбатыгар, тимир суол уонна уу тырааныспарыгар туһаныахха сөп”, — диэтэ кини.
Мунньахха саппыраапка инфраструктуратын сайыннарыы, тырааныспары гаас уматыкка көһөрүү, ГМТ анаммыт тиэхиньикэни оҥоруу туһунан кэпсэттилэр.
Санаттахха, Саха Өрөспүүбүлүкэтигэр бүгүн тустаах уматыгы туһаныыны көҕүлүүр миэрэлэр киирэллэр, гаас баллонун оборудованиетын туруорууга субсидияны киллэрэн туран, саппыраапкалары тутуу ыытыллар.
Өрөспүүбүлүкэҕэ гаас-мотуор уматыгын ырыынага киэҥ хабааннаах гаастааһын түмүгэр сайдар. Саха сирэ Газпрому кытта бииргэ үлэтин түмүгэр “Социальнай гаастааһын” бэрэсидьиэн бырагырааматын олоххо киллэриигэ дойдуга 7-с миэстэлээх. Өссө 35 нэһилиэнньэлээх пууҥҥа гаастааһын ыытыллыаҕа.
Саха Өрөспүүбүлүкэтин Ил Дарханын уонна Саха Өрөспүүбүлүкэтин Бырабыыталыстыбатын пресс-сулууспата
Сиһилии: https://www.sakha.gov.ru/news/13400
Хаҥалас улууһун дэлэгээссийэтэ улуус баһылыга Сергей Гребнев салалтатынан байыаннай дьайыы буола турар сиригэр айаннаата. Дэлэгээссийэҕэ…
Ил Дархан Айсен Николаев сорудаҕынан, анал байыаннай дьайыы кыттыылаахтарыгар 3251 үлэ миэстэтин таһаардылар. Бу туһунан…
Саха сиригэр "Бастакылар хамсааһыннара" бырабылыанньатын бэрэссэдээтэлэ, Арассыыйа Дьоруойа Артур Орлов кэллэ. Кини Ил Дархан Айсен…
Өрөспүүбүлүкэ үөрэҕириитин систиэмэтин тутула учууталлар штаттарын сарбыйбакка эрэ, саҥардыллан иһэр. Бу туһунан миниистир Нюргуна Соколова…
Бу күннэргэ социальнай ситимнэргэ бөрөлөрдөөх видео тарҕаммыта. Онно этэллэринэн, бу бөрөлөрү Дьокуускай куоракка Күөх Хонууга…
Бүлүү улууһун 27 саастаах олохтооҕо кыыс атын кыыс муннун тоһуппутун иһин холуобунай дьыала тэриллибит. Бу…