Үһүс этээстэн оҕо суулунна

Бэс ыйын 1 күнүгэр Ленскэй куоракка элбэх кыбартыыралаах олорор дьиэ үһүс этээһин түннүгүттэн 2017 сыллаах төрүөх оҕо түспүтүн туһунан иһитиннэрии киирбит. Быһылааҥҥа эмсэҕэлээбит оҕону доруобуйа харыстабылын тэрилтэтигэр киллэрдилэр, туруга орто ыарахан диэн сыаналаммыт.

Ол туһунан СӨ Борокуратууратын пресс-сулууспата иһитиннэрэр.

Барыллаан быһаарыллыбытынан, бу дьиэ кэргэн учуокка турбатах, быһылаан тахсар кэмигэр квартираҕа кыыс оҕо кыра балтытын кытары бэйэлэрэ эрэ бааллар эбит.

Быһылаан тахсыбыт сиригэр Ленскэй оройуонун борокуруора Ш.Х. Нургалеев тиийэн үлэлээбит.

Быраабы араҥаччылыыр уорганнарынан бэрэбиэркэ ыытыллыбыт, быһаарыы түмүгүнэн, борокуратуура хонтуруолга ылбыт.