Хаартыска: үлэ, социальнай сайдыы министиэристибэтэ.
Саха сиригэр Үһүс саас оскуолата 2012 сыллаахха тэриллибитэ. Үлэ, социальнай сайдыы министиэристибэтин чэрчитинэн, Өрөспүүбүлүкэтээҕи социальнай хааччыйыы кэлим киинин иһинэн үлэлиир. Бу бырайыагы кэлим киин дириэктэрэ Наталья Пахомова тэрийэн, олоххо киллэрбитэ.
Үһүс саас оскуолатыгар быйыл аҕам саастаахтарга 32 куруһуок үлэлиир. Оскуола иһинэн хас да ансаамбыл, түмсүү баар. Куруһуоктар аҕам саастаахтар элбэххэ үөрэнэллэригэр, саҥаны арыйалларыгар, айар дьоҕурдарын сайыннаралларыгар, чэбдигирэллэригэр, бэйэ-бэйэлэрин кытта алтыһалларыгар туһуланаллар.
Ол курдук, фитнес, йога, эмтиир физкультура, гимнастика, үҥкүү, омук тылларын үөрэтии, көмпүүтэри баһылааһын, «Сайдам саас» литературнай куруһуок, ырыа, иис, уруһуй, баайыы, макраме, хомус, оҕуруо, остуол оонньуулара, о.д.а. куруһуоктар бааллар.
Үһүс саас оскуолатын салаалара Амма, Горнай, Мэҥэ Хаҥалас, Нам, Уус Алдан улуустарыгар үлэлииллэр.
Бу оскуолаҕа хайдах суруйтарыахха сөбүй?
Дьокуускайга Федор Попов уулуссатын 14/6 №-дээх дьиэтигэр тиийэн, куруһуоктар араспысаанньаларын көрөн, суруйтарыаххытын сөп. Эбэтэр, 8 924-178-43-77 төлөпүөнүнэн ыйыталаһан баран, суруйтараҕыт.
Үһүс саас оскуолата — бу социальнай-сырдатар бырайыак, уопсастыбаннай түмсүү быһыытынан үлэлиир. Сүрүн сыала — аҕам саастаах дьону түмүү, олохторун тупсарыы, көхтөөх уһун үйэлэниигэ көҕүлээһин.
Ааспыт нэдиэлэ устата Дьокуускай куорат мээрийэтин административнай хамыыһыйата сымыйа кафеҕа, түүҥҥү кулуупка уонна итирдэр утахтары…
Соторутааҕыта тахсыбыт “Саха култууратын тиэрминнэрин нууччалыы-сахалыы, сахалыы-нууччалыы тылдьыта” дьоҥҥо-сэргэҕэ бэрт туһалаах буолсу. Аныгы курдук хас…
Чуапчы улууһун Соловьев нэһилиэгин баһылыгын боломуочуйатын болдьоҕун иннинэ тохтотор туһунан суут быһаарыыта күүһүгэр киирдэ. Чурапчы…
Офтальмология өрөспүүбүлүкэтээҕи балыыһатын мобильнай быраастара ыраах сытар нэһилиэнньэлээх пууннарга, ол иһигэр Арктика улуустарыгар, харахха эпэрээссийэлэри…
Бүгүн күнүс улуус киинин Амманы уонна Чакыр нэһилиэгин бэйэ-бэйэлэриттэн "арааран" турар Амма өрүс биир кытыллыттан…
Саха сиринээҕи Суут бириистэптэрин управлениетын Дьокуускай куораттааҕы салаата кирэдьиит төлөбүрүн төннөрөр туһунан дьыаланы түмүктээтэ. Дьокуускай…