Балаҕан ыйын 13 күнүттэн Үһүс саас оскуолатыгар саҥа үөрэх дьыла саҕаланан, Аһаҕас аан күнэ ыытылынна. Сүүстэн тахса киһи кэлэн, үөрэх бырагырааматын, саҥа куруһуоктар, хайысхалар тустарынан билистилэр, суруйтардылар. Волонтердар уонна курсистар туохха үөрэммиттэрин, дьоҕурдарын хайдах арыйбыттарын туһунан кэпсээтилэр. Кинилэр оҥоһуктарынан “Күһүҥҥү коллаж” диэн быыстапка тэрилиннэ.
40 сыл ыстаастаах учуутал Клара Томская быйыл бу оскуолаҕа саҥа киирдэ. Интэриэһинэйэ диэн, кини сиэнэ быйыл 1-кы кылааска саҥа киирбит. “Онон иккиэн оскуолаҕа саҥа киирэн, үөрэнэр буоллубут”, — диэн Клара Николаевна күлэр.
Хамсык кэмигэр кини дьиэттэн олорон куруһуоктарга — сарсыардааҥҥы сэрээккэҕэ, хомуска дьарыктаммыт эбит. Быйыл хатайдааһын куруһуогар уонна остуол оонньууларыгар дьарыктанар баҕалаах.
— Хатайдаан араас оҥоһуктары оҥорору уруккуттан интэриэһиргиибин, ол илии имигэс буоларыгар, ньиэрбэ, мэйии үлэтигэр туһалаах. Билигин куруһуоктарга суруйтаран баран, дьэ, саҥа билиини-көрүүнү ылынарбын, интэриэһинэй билсиһиилэри-көрсүһүүлэри кэтэһэ сылдьабын. Курсистар түмсүүлээхтэрин, доҕордууларын, айар куттаахтарын бэлиэтии көрбүтүм. Дьиэҕэ олорордооҕор үөлээннээхтэргин кытары билсиһэ, алтыһа сылдьарыҥ ордук бөҕө буоллаҕа, — диэн Клара Николаевна кэпсиир.
Оттон Агафья Ивановна миэдик идэлээх буолан, бу оскуолаҕа доруобуйаны бөҕөргөтөргө туһуланар дьарыктар чэгиэн-чэбдик буоларга, үйэни уһатарга көмөлөөхтөрүн бэлиэтиир. Кини саҥа үөрэх дьылыгар йога куруһуогар суруйтарбыт.
— Үһүс саас оскуолата – сааһырбыт дьоҥҥо олус туһалаах бырайыак. Манна олох күөстүү оргуйар, барыта баар — бииргэ алтыһыы, сэлэһии, доруобуйаны бөҕөргөтүү, айар үлэ, саҥа үөрүйэххэ үөрэнии… Сырыы аайы курсистар талааннарын, эрчимнэрин, билиигэ тардыһыыларын, түмсүүлээхтэрин сөҕөбүн эрэ, — диэн кини этэр.
Үһүс саас оскуолата 2012 сыллаахха “Аҕам саастаах көлүөнэ” национальнай бырайыак чэрчитинэн тэриллибитэ. Оскуоланы социальнай сулууспа туйгуна Пелагея Прядезникова салайар. Аҥаардас 2021 сылга куруһуоктарга 37,9 тыһыынча киһи дьарыктаммыта.
Нам улууһугар олунньу 15 күнүгэр СӨ хапсаҕайга федерациятын президенэ Николай Румянцев бирииһигэр республикатааҕы «Эҥсиэли хапсаҕайа»…
Өрөспүүбүлүкэҕэ “Саха сирэ – дьоруойдар дойдулара” каадыр бырагыраматын олоххо киллэрии бара турар. Барыл кыттыылаахтара өрөспүүбүлүкэ…
Хапкааҥҥа атаҕыттан хаптарбыт бэдэри "Халыма" федеральнай суолугар Чурапчы уонна Мэҥэ Хаҥалас улуустарын икки ардыгар суоппардар…
СӨ бырабыыталыстыбатын бэрэссэдээтэлин солбуйааччы Георгий Степанов салайааччылаах отчуоттуур бөлөх Туойдаах нэһилиэгин олохтоохторун иннигэр ааспыт сыллааҕы…
Бүгүн, олунньу 16 күнүттэн, вице-премьер Сергей Местников салайааччылаах СӨ бырабыыталыстыбатын бөлөҕө Ньурба улууһугар үлэлиир. Оробуочай…
Ааспыт өрөбүл күннэргэ Дьокуускай куоракка 11 суол быһылаана тахсан, биир киһи эчэйдэ. Олунньу 14 күнүгэр …