Ый халандаара хайдах дьайарый?

Астрологияҕа Ый  — киһи ис туругун, дууһатын, санаатын уонна энергиятын салайар планета. Айылҕаҕа Ый байҕал уутун таһымын салайар. Киһи организма эмиэ ууттан турар буолан, Ый фазалара биһиги хааммытыгар, дабылыанньабытыгар уонна уу-туус атастаһыытыгар быһаччы дьайаллар. Ый уйулҕа хамсааһынын, түүл уонна ис санаа эйгэтин хонтуруоллуур. Тохсунньу 14 күнэ — «хомуллар», «түмүктэнэр» күн. Сүүрүмэҥ-көтүмэҥ, сулустар чуумпуну уонна ыраастаныыны сүбэлииллэр.

Ый фазаларын суолталара:

• Саҥа Ый (Новолуние) — энергия аҕыйах, былаан оҥорор кэм.
• Толору Ый (Полнолуние) —  Энергия таһымныыр, киһи кыыһырымтаҕай буолар, «түгэх» санаалар тахсаллар.
• Ый эргэтэ (Убывающая Луна) — Ыраастаныы, түмүк оҥоруу кэмэ.

Тохсунньу 14 күнэ — Ый эргэтэ

Бу кэмҥэ Ый Скорпион бэлиэтигэр турар. Киһи ис күүһэ «утуйар», намтыыр. Ол эрэн, Скорпион дьайыытынан ис санаа, сэрэйии уонна кыыһырымтаҕай, киҥнээх буолуу күүһүрүөн сөп. Маннык кэмҥэ саҥа дьыаланы саҕалаамаҥ. Дьиэни-уоту ыраастыырга, эргэ малы быраҕарга, иэстэн босхолонорго саамай табыгастаах кэм.

Хой

Кыыһырыма, кыраттан сылтахтанан иирсээн тахсыан сөп. Сүүрэр-көтөр оннугар сынньан.

Хахай

Дьиэҕэр, чугас дьоҥҥор болҕомтоҕун уур. Салайааччыгын кытта мөккүһүмэ.

Охчут

Уруккуну, ааспыты ырыҥалыыр күн. Бүгүн тугу эрэ сүтэрдэххинэ хомойума — ол аата саҥаҕа миэстэ тахсар.  

Оҕус

Харчыгын ааҕын, ороскуоту аҕыйат. Ый эргэтэ буолан, иэс ылар куһаҕан.

Кыыс

Доруобуйаҕын көрүн. Ыраастанар тэрээһиннэр (баанньык, диета) олус туһалаахтар.

Чубуку

Былааннаабыт үлэҕин түмүктээ. Ол гынан баран дьону кытта элбэхтик кэпсэтимэ, энергияҥ бараныа.

Игирэлэр

Туһата, сыала-соруга суох кэпсэтиилэртэн сылайыаххыт. Бүгүн соҕотох олорон толкуйдуур ордук.

Ыйааһын

Тас көрүҥҥүн уларытарга (баттах кырыттарарга) үчүгэй күн — ити эргэ энергияны кырыйан быраҕыыга тэҥнээх.

Күрүлгэн

Доҕотторуҥ эбэтэр биир идэлээхтэрин эйигиттэн көмө күүтүөхтэрэ. Кыаллар буоллаҕына — аккаастаама.  

Араак

Ис санааҥ албынныа суоҕа. Түүлүҥ биттээх, араас суолталаах буолуон сөп.

Скорпион

Бу эн күнүҥ! Энергияҥ уонна харизмаҥ күүһүрэр. Ол эрэн, күнүү диэн «дьааттан» сэрэн.

Балыктар

Айар үлэҕэ  умсугуй. Эргэ, умнууга хаалбыт кыһалҕаларгын бүгүн быһаарарга табыгастаах кэм.