Хаартыска: Sakhagov
Ыйааһын-габарит хонтуруолун ааһарга быраабыланы кэһии иһин эппиэтинэскэ сыһыаннаах сокуоҥҥа саҥа уларыйыылар күүстэригэр киирдилэр.
Бу уларыйыылар сокуону кэһээччилэргэ дьайар миэрэлэри биллэрдик күүһүрдүөхтэрэ. Бу туһунан СӨ Тырааныспарга уонна суол хаһаайыстыбатыгар министиэристибэтигэр иһитиннэрдилэр. Саҥа нуормаларынан, ыарахан ыйааһыннаах уонна бөдөҥ габариттаах тырааныспар сырыытын быраабылатын кэһии иһин 600 тыһ. солк. кээмэйдээх ыстараап көрүллэр. Бу ыйааһын-габарит хонтуруолун зоналарыгар суол бэлиэлэрин ирдэбиллэрин тутуспат буолуу туһунан этиллэр. Ону таһынан, боломуочуйалаах киһи ирдэбилинэн ыйааһын уонна габарит хонтуруолун пуунугар тохтооһуну аахайбат буолуу иһин тырааныспар бас билээччилэригэр 600 тыһ. солк. ыстараап олохтонно.
Полиция, таможня эбэтэр тырааныспар уорганнарын үлэһиттэрин тохтуур туһунан ирдэбилин толорортон хаттаан кэһии тахсыбытын түгэнигэр 10 тыһ. солк.кээмэйдээх ыстараап эбэтэр түөрт ыйтан алта ыйга диэри болдьоххо суоппардыыр быраабы быһыы көрүгэр административнай накаастабыл көрүллэр. Бу таһынан, сокуон ыарахан ыйааһыннаах уонна бөдөҥ габариттаах тырааныспар сырыытыгар аналлаах көҥүлү биэрэр тиһиги туһаныыга сыһыаннаах кэһиилэр иһин эппиэтинэһи киллэрэр. СӨ Тырааныспарга уонна суол хаһаайыстыбатын министиэристибэтигэр бэлиэтээбиттэринэн, ылыллыбыт миэрэлэр суолга куттала суох буолууну үрдэтиигэ уонна тырааныспар инфраструктуратын харыстааһыҥҥа туһуланаллар. Тырааныспар процеһын кыттааччыларыгар ыар содуллары таһаарбат туһугар ыйааһын-габарит хонтуруолун ирдэбиллэрин тутуһууну болҕомтолоохтук кэтииргэ сүбэлииллэр.
СӨ Ил Дарханын уонна Бырабыыталыстыбатын пресс-сулууспата
Киин баан дириэктэрдэрин сэбиэтэ от ыйын 25 күнүгэр сүрүн ыстаапканы сылга 18%-ҥа диэри түһэрэргэ быһаарынна.…
Госдуума дьокутааттара үөрэх дьылын иннинэ оскуола үөрэнээччилэрин биир төрөппүтүгэр тиийинэн олоруу алын кээмэйинэн (МРОТ) сыл…
От ыйын 25 күнүгэр «Восточнай» космодромтан «Ионосфера-М» № 3, № 4/ППН спутниктардаах «Союз-2-1б» аракыата көтүтүллүбүтэ.…
Бу күн ардах түспэтэҕинэ — сылаас, ардаҕа суох күһүн буолар диэн билгэлэнэр. Ардахтаах буоллаҕына —…
Бүгүн, от ыйын 26 күнүгэр, халлаан куйаара күүстээх энэргийэнэн туолар. Күн Хахай бэлиэтигэр, оттон Ый…
УГМС саайта иһитиннэрэринэн, Саха сирин киин улуустарыгар, соҕуруу, арҕаа өттүгэр быстах ардахтыыр, сорох сиринэн самыырдыыр,…