«Үйэ оҕолоро» хапытаал 2800-тэн тахса дьиэ кэргэҥҥэ туттарыллыбыт

Сыл саҕаланыаҕыттан «Үйэ оҕолоро» хапытаалы 2800-тэн тахса дьиэ кэргэн ылбыт.

СӨ үлэҕэ уонна социальнай сайдыыга министиэристибэтэ иһитиннэрэринэн, өрөспүүбүлүкэҕэ быйыл Оҕо саас сылыгар «Үйэ оҕолоро» тус сыаллаах хапытаал 2853 дьиэ кэргэҥҥэ туттарыллыбыт.

Санатар буоллахха, бу тус сыаллаах хапытаал Ил Дархан Айсен Николаев быһаарыытынан, 2027 сылга диэри уһатыллыбыта.

Саха сирэ элбэх оҕолоох дьиэ кэргэттэрдээҕинэн Уһук Илиҥҥэ биллэр. Оҕо төрөөһүнүнэн Уһук Илин уокуругар 1, дойду үрдүнэн ахсыс миэстэни ылар.

СӨ Ил Дарханын уонна Бырабыыталыстыбатын пресс-сулууспата