Хаартыска sakha.gov.ru ылылынна
Саха сиригэр “Үйэ саас” бочуоттаах бэлиэлээхтэр биир кэмнээх төлөбүрү тутуохтара. Бу төлөбүр 100 тыһыынчаттан биир мөлүйүөҥҥэ диэри улааппытын туһунан Ил Дархан Айсен Николаев соторутааҕыта буолан ааспыт быһа эпииригэр иһитиннэрбитэ.
СӨ үлэҕэ уонна социальнай сайдыыга министиэристибэтин чахчытынан, билигин өрөспүүбүлүкэҕэ 100 сааһын туолбут 17 киһи олорор. Кинилэр бары 2025 сыл тохсунньу 1 күнүгэр диэри биир мөлүйүөн харчыны ылыахтара. Инникитин 100 саастарын туолан, бочуоттаах бэлиэни ылбыт дьоҥҥо маннык төлөбүр бэриллиэҕэ.
Быйыл “Үйэ саас” бочуоттаах бэлиэ Аҕа дойду Улуу сэриитин 9 бэтэрээнигэр туттарылынна.
«Уһун үйэлээхтэргэ ытыктабыл бэлиэтин, чөл олоҕу өйүүр, норуот духуобунай сыаннастарын утумнуур туһуттан “Үйэ саас” бочуоттаах бэлиэ төлөбүрүн уон төгүл улаатыннаран, 2025 сыл саҥатыттан биир мөлүйүөҥҥэ тириэрдэр туһунан быһаарыыны ылынным”, — диэн Айсен Николаев бэлиэтээн эппитэ.
Кини ону сэргэ кырдьаҕастары социальнай өттүнэн көҕүлүүр хайысхалаах дьаһаллар ортолоругар Дьокуускайга Көхтөөх уһун үйэлэнии өрөспүүбүлүкэтээҕи киинин аһыллыытын уонна “үрүҥ көмүс саастаах” дьоҥҥо тэрээһиннэри ыытарга муниципальнай улуустар субсидирование көрөр быраактыкаларын ааттаабыта.
Саха сиригэр Беларусь өрөспүүбүлүкэтиттэн тырааныспар-логистическай сибээһи сайыннарыы бырайыагын чэрчитинэн тимир суол саҥа маршрутунан бастакы таһаҕастар…
Ил Дархан Айсен Николаев бүгүн, атырдьах ыйын 29 күнүгэр, "Якутия, вперед!" биэриигэ ый түмүктэрин таһаарда.…
Нерюнгри оройуонун Улахан Хатымы сэлиэнньэтин таһыгар сүппүт эр киһини буллулар. Тыыннаах, мэдиссиинэ көмөтүгэр наадыйбат диэн…
Эдьигээн улууһугар Бэстээх уонна Сангаар икки ардыгар өрүскэ тайаҕы көрбүттэр. Василий Аполлонов видеоҕа устуута: https://t.me/ysiaru/87745
АРТ Киэргэ сонун бренд «Киэргэ» ювелирнай дьиэтин саҥа тыыннаан, атырдьах ыйын 25-28 күннэригэр Санкт-Петербурга ыытыллыбыт…
Түргэн тэтимнээх үйэҕэ кофета суох дьон сатаммат. Кофе буортулаах дииллэр. Ордук саастаах араҥаҕа уонна оҕолорго.…