Ыйыт-хоруйдуубут: 9-с кылаас кэнниттэн ылыы былааннаммат

Ыйытыы: Хотугулуу-Илиҥҥи федеральнай университекка 9-с кылаас кэнниттэн тоҕо ылбаттарый?

ХОРУЙ: Хотугулуу-Илиҥҥи федеральнай университет киин тутар хамыыһыйатын начаалынньыга Елизавета Ильина хоруйдуур:

– ХИФУ АйТи, доруобуйа харыстабылын, юриспруденция, экэниэмикэ, тутуу эйгэтигэр орто үөрэх бырагыраамаларынан үөрэтэр,  ол эрээри, 11-с кылаас эрэ кэнниттэн ылабыт. Чугастааҕы кэмҥэ 9-с кылаас кэнниттэн үөрэххэ ылыы былааннаммат. Биһиги өрөспүүбүлүкэбит киин куоратыгар уонна улуустарга 9-с кылаас кэнниттэн орто үөрэҕи баһылыылларыгар бэртээхэй кэллиэстэр элбэхтэр. Ол орто үөрэҕи бүтэрбиттэр салгыы М.К. Аммосов аатынан Хотугулуу-Илиҥҥи федеральнай университекка үөрэхтэрин үрдэтиниэхтэрин сөп.