Ыйыт-хоруйдуубут: аэропуорт баһыылканы тутар дуо?

— Дьокуускай аэропуордугар баһыылканы туталлар диэбиттэрэ. Чокуурдаахха собо ыытыам этэ. Туталлар дуо?

В. Слепцова.

Дьокуускай аэропуордун баһыылканы тутар үлэһитэ маннык хоруйдаата:

— Пуорт иһигэр “сухой груз” диэн ууллубат, сытыйбат эрэ баһыылканы тутабыт. Аһылыгы ылбаппыт. Аһы-үөлү аэропуорт таһаҕаһы тиэйэр-ыытар терминалыгар туттарыаххытын сөп. Холобур, Чокуурдаахха ыытарга бэнидиэнньиккэ терминалга 49–53–89 нүөмэргэ эрийэн бастаан сайаапкалыыгыт. Онтон уон күн иһигэр хаһан аҕалан туттараргытын эрийэн этиэхтэрэ.