ЫЙЫТ-ХОРУЙДУУБУТ: Аһыыр баҕам суох, мэлдьи утуйуохпун баҕарабын… Төрүөтэ тугуй?

– Аһыыр баҕам суох, мэлдьи утуйуохпун баҕарабын, өрүү сылайбыт курдукпун. Сороҕор кими да кытта кэпсэтиэхпин баҕарбаппын. Хоспор соҕотоҕун олоруохпун эрэ баҕарабын. Тоҕо манныгый? Баҕар, бу бэйэтэ кэминэн ааһыа дуо?

Психиатр Марина Гарма хоруйдуур:

– Эһиги ойуулаан кэпсииргит көннөрү турук мөлтөөһүнэ буолбатах. Онон, саамай сөптөөх сүбэ – психиатр бырааска бэйэҕитинэн тиийэн диагностиканы ааһыы буолар. Быраас эһиги олоххут туһунан сиһилии анамнез хомуйуоҕа, эһиги суруйар уларыйыыларгыт хаһааҥыттан саҕаламмыттарын чуолкайдыаҕа, ону таһынан, эһиги туруккут төрүөтүн быһаарарга көмөлөһөр араас тестары ыытыаҕа. Долгуйумаҥ.

Быраас профессиональнай сыанабылга олоҕуран аныыр салгыы эмтэниигэ эми-тоу аныаҕа, баҕар, психотерапияны сүбэлиэн сөп. Атын түгэҥҥэ терапевт бырааска ыытыаҕа. Тоҕо диэтэххэ маннык турук ханнык эрэ битэмииннэр уонна микроэлэмиэннэр тиийбэттэриттэн эмиэ тахсыан сөп, онон төрүөтү быһаарар анаалыстары туттарарга уонна чинчийиилэри барарга сүбэлиэҕэ.

Ол эрээри, бу сабаҕалааһыннары барытын психиатр бырааска бэйэҕинэн тиийэн көрдөрдөххүтүнэ сатанар. Бэйэҕит күүскүтүнэн эмтэнэ сатаамаҥ, интэриниэт нөҥүө араас тестары ааһан, бэйэҕитигэр диагноз туруорунумаҥ.