Ыйыт-хоруйдуубут: ардахха хайдах оттуубут?

«Быйыл бачча үлүгэр от үүммүт сылыгар оттуу түһүө этибит. Сэрэйдэххэ, күһүөрү ардыыра буолуо. Ардахха оттуурга судургу соҕус сүбэ баар буолаарай?», — диэн Горнайтан ыйыттылар. Сүбэ көрдөөтүлэр.

Маныаха Мэҥэ Хаҥалас Хочо сэл. бибилэтиэкэтин муспут матырыйаалыттан Н.Лукин суруйуутун ыытабыт:

– Биллэринэн, маска ыйаммыт от хаһан да сытыйбат-ымыйбат, ол оннугар  түбүгэ – маһын бэлэмнээһинэ элбэх. Сорохтор онуоха от күрүөтүн туһаналлар. Онно сэлии мастары кэккэлэтэн баран, оту ол үрдүгэр кэбиһэллэр. Чугаһынан күрүө суох буоллаҕына, аргы атаҕын курдук модьу соҕус баҕаналарга сис мас быраҕан баран, сытыары сэлиилэри тэлгииллэр.

Бэчээккэ бэлэмнээтэ Женни Стрюкова